ជ័យសួគ៍

សេវាកម្មអាពាពិពាហ៍

ផ្សព្វផ្សាយពាណិជ្ជកម្ម៖

ជ័យសួគ៍

ពិធីក្រុងពាលី

ពីធីក្រុងពាលីធ្វើឡើងដើម្បីជូនដំណឹងនិងសុំម្ចាស់ទឹក ម្ចាស់ដីជួយថែរក្សាដល់សមាជិកថ្មីដែលជាកូនកំលោះ អោយមានសេចក្តីសុខសេចក្តីចំរើន ។

ពិធីចម្រើនព្រះបរិត្ត

តាមជំនឿតៗគ្នាពីបុរាណមកគេមានជំជឿថា ពិធីចម្រើនព្រះបរិត្តអាចបញ្ចេញឧបទ្រុមចង្រៃឲ្យចេញទៅឆ្ងាយនិងមានតែភាពសបូរសប្បាយសម្រាប់គូស្វាមីដែលបានរៀបការ។ហេតុដូចនេះបានជាគេចាត់ទុកពិធីមួយនេះជាពិធីសំខាន់និងតែងតែប្រារព្ធធ្វើឡើងមិនដែលខានឡើយ។

ពិធីកាត់ផ្កាស្លា

ផ្កាស្លាជានិមិត្តរូបរបស់កូនប្រុសនិងកូនស្រីដែលបានចាប់ដៃគ្នារៀបការ។ សម័យបុរាណ នៅពេលដែលកាត់ផ្កាស្លាម្តងៗគេត្រូវរកកាំបិតឲ្យមុតល្អ រីឯអ្នកឡើងកាត់ផ្កាស្លាវិញគេរើសយកមនុស្សមានភាពម៉ត់ចត់ មិនខ្ជីខ្ជាទើបគេរកឲ្យឡើងកាត់ផ្កាស្លា។ ប៉ុន្តែបច្ចុប្បន្ននេះពុំមានពិធីកាត់ផ្កាស្លាទេភាគច្រើនភាគីខាងស្រីឲ្យគេទិញពីផ្សារ ឬឲ្យផ្នួងរៀបចំតែម្តងដើម្បីកុំឲ្យពិបាក។

ពិធីបុកលក្ខណ៍ធ្វើធ្មេញ

ពិធីបុកលក្ខណ៍ធ្វើធ្មេញនេះគេត្រូវរកមនុស្ស ៩ នាក់ មានស្រី ៤ នាក់ និងប្រុស ៥ នាក់ សុទ្ធតែនៅលីវ(បរិសុទ្ធ) ដើមចេញក្រមុំ ១ ដើម លក្ខណ៍ជុំក្រឡង់ ១ ដុំ សាច់ ជូ ស្កក្រាម អំពិលជ័រចុង បាយដំណើបលាយល្ង អំបែងចាន ទឹកដូង ២ កែវ ទឹកតែ ២ កែវ វត្ថុផ្សេងៗ ៧ មុខមាន់ស្ងោរ ១ ស្រា ១ ដប ផ្លែឈើចម្រុះ ១ ថាស អង្ករ ១ បាវ ត្បាល់បុកលក្ខណ៍ ១អង្រែ ១ ស្លេកចេក ៩ បន្ទះ ម្លូស្លា នំ ផ្លែឈើ លុយ។

ពិធីហែកំនត់

ក. សម័យបុរាណ
នៅកន្លែងខ្លះ គេនិយាយថា ហែកំនត់តែកន្លែងខ្លះទៀតគេនិយាយថាហែជំនូន។
មាតាបិតាខាងប្រុស និងខាងស្រី ពិភាក្សាគ្នានៅពេលដែលមាតាបិតាខាងប្រុស ជូនអ្វី ហើយមាតាបិតាខាងកូនស្រីយល់ព្រមនោះលោកមហានឹងកត់ត្រាទុក។ នៅពេលពិភាក្សាគ្នាចប់លោកមហាបានអានកំនត់ត្រាជូនលោកមេបាស្តាប់ ជាកសិណសាក្សីធំបំផុតនិងមាតាបិតាទាំងសងខាងស្តាប់។ ការកត់ត្រានេះ នឹងក្លាយទៅជាកំនត់ត្រាដែលគេតែងតែហៅកាត់ថាកំនត់ រហូតមក។

ខ.សម័យបច្ចុប្បន្ន
បន្ទាប់ពីពិភាក្សាសុំយោបលរវាងសាច់ញាតិទាំងពីរ ខាងកូនប្រុសធានាទិញបណ្ណាការមកជូនមាតាបិតាខាងកូនស្រីតែម្តង។ការទិញគ្រឿងបណ្ណាការនេះ ទោះមិនគ្រប់តាមការកំណត់ក៏ដោយ ក៏គេហៅថាការហែកំនត់ឬហែជំនូនដដែល។ ប៉ុន្តែកាន់តែមានភាពងាយស្រួលទៀត ការទិញគ្រឿងបណ្ណាការអោយគ្រប់តាមការកំណត់គឺមាតាបិតាទាំងសងខាងពិភាក្សាគ្នា ហើយភាគច្រើនគីភាគីខាងស្រីជាអ្នកទិញ ។

ពិធីកាត់សក់

ក.សម័យបុរាណ

ពិធីកាត់សក់កូនប្រុសកូនស្រីសម័យនោះ គឺកូនស្រីគេទុកសក់វែងបួង គ្រាន់តែកោរជើងសក់ កោររោមចញ្ចើម រោមមុខឲ្យមានសាច់សល្អប៉ុណ្ណោះ។ រីឯ កូនប្រុស របៀបពិធីកាត់សក់នៅរោងផ្កាស្លាឯពិធីកាត់សក់នោះគឺគេកាត់សក់មែនទែន មិនមែនគ្រាន់តែកាត់ជានិមិត្តរូបនោះទេ។លុះកាត់សក់ចប់ហើយទើបលោកមេបាបញ្ជាឲ្យធ្វើពិធីផ្សេងទៀត។

ខ.សម័យបច្ចុប្បន្ន
ថ្ងៃរៀបអាពាហ៍ពិពាហ៍បច្ចុប្បន្នមានត្រឹមតែមួយព្រឹកឯពិធីកាត់សក់គ្រាន់តែរៀបចំដើម្បីបង្គ្រប់កិច្ចប៉ុណ្ណោះគឺមិនធ្វើដូចការពីជំនាន់ដើមនោះទេគឺគេកាត់ៗយកតែម្តង។ពិធីកាត់សក់យូរអស់គឺចំណាយពេលមួយម៉ោងដោយសារអ្នកភ្លេងលេងកំប្លែងដើម្បីឲ្យពីធីកាន់តែមានភាពសប្បាយ រីករាយក្នុងពេលកាត់សក់។

ពិធីសែនចងដៃ

ក.សម័យបុរាណ
ស្រុកខ្លះគេហៅថា សែនមេបាធំ សែនជីដូនជីតា សែនចាស់ទុំ។ពិធីសែនកួចដៃនេះ គេច្រើនរៀបចំធ្វើបន្ទាប់ពីនិមិន្តព្រះសង្ឃចំរើនព្រះបរិត្តរួច។ ពិធីសែនកួចដៃនេះកូនស្រីត្រូវធ្វើនៅលើផ្ទះខ្លួន។ បើធ្វើរួច ទើបលោកមេបាចាស់ទុំនាំគ្នាចុះមករោងផ្កាស្លា រៀបចំធ្វើឲ្យកូនប្រុសបន្តទៅទៀត។
ខ.សម័យបច្ចុប្បន្ន
នៅទីក្រុងឬទីក្រុងភ្នំពេញមិនដែលមានឃើញមានរៀបពិធីសែនកួចដៃទេ។

បញ្ជាក់
បើមានមីងមា ឬលោកយាយលោកតាណាដែលមិនបានចូលរួមនៅក្នុងពីធីសែនចងដៃនេះទី គេអាចចូលរួមចងដៃនៅក្នុងពិធីសំពះផ្ទឹមក៏បាន។