តើមានរោគសញ្ញាអ្វីខ្លះ ដែលបញ្ជាក់ថា កូនក្នុងផ្ទៃមានគ្រោះថ្នាក់?

តើមានរោគសញ្ញាអ្វីខ្លះ ដែលបញ្ជាក់ថា កូនក្នុងផ្ទៃមានគ្រោះថ្នាក់?

118

ដំណាក់កាលនៃការមានផ្ទៃពោះ គឺសំខាន់ណាស់ អ្នកត្រូវតែចេះប្រយ័ត្នគ្រប់រឿង បើពុំដូច្នោះទេ កូនក្នុងផ្ទៃអ្នក នឹងមានគ្រោះថ្នាក់ជាមិនខាន។ បើអ្នកមានអាការៈមួយចំនួនដូចខាងក្រោម នោះបញ្ជាក់ថា កូនអ្នកមានគ្រោះថ្នាក់ហើយ។
1.    បើអ្នកធ្លាក់ឈាមនៅដំណាក់កាលមានផ្ទៃពោះ ហើយមានអាការៈឈឺពោះ ដូចពេលមករដូវ នោះប្រហែលជាអ្នក មានអាការៈកូនក្រៅស្បូនហើយ វាអាចឆក់យកជីវិតអ្នកបាន ដូចនេះ អ្នកត្រូវតែទៅជួបគ្រូពេទ្យជាបន្ទាន់។
2.    ប្រសិនជាអ្នកក្អួតខ្លាំងខុសពីធម្មតា ហើយផឹកមិនចូល បរិភោគអ្វីក៏មិនចូល អ្នកគួរតែទៅជួបពិគ្រោះជាមួយគ្រូពេទ្យ បើពុំដូច្នោះទេ វានឹងប៉ះពាល់ដល់សុខភាពអ្នក និងកូនក្នុងផ្ទៃលូតលាស់មិនបានល្អឡើយ។
3.    បើអ្នកមានអាការៈស្បូនរួមតូច ក្នុងដំណាក់កាលមានផ្ទៃពោះ ហើយមិនទាន់ដល់ពេលសម្រាល អ្នកត្រូវតែទៅជួបគ្រូពេទ្យជាបន្ទាន់ ព្រោះនេះជាអាការៈមិនប្រក្រតី។
4.    បើអ្នកកំពុងអង្គុយៗ ហើយមានទឹកហូរចេញពីខ្លួនអ្នក អ្នកអាចទៅបត់ជើងបាន តែបើបត់ជើងហើយ វានៅតែហូរ នោះប្រហែលជាអ្នកបែកទឹកភ្លោះហើយ ដូចនេះ អ្នកគួរតែទៅមន្ទីរពេទ្យជាបន្ទាន់ ព្រោះការបែកទឹកភ្លោះមិនទាន់គ្រប់ខែ គឺមានគ្រោះថ្នាក់ខ្លាំងណាស់៕

ត្រួតពិនិត្យដោយ www.health.com.kh ថ្ងៃទី19 មីនា ឆ្នាំ2015

មុន បន្ទាប់

មតិយោបល់