552

Paget គឺជា​ជំងឺមហារីក​សុដន់​មួយ ដែល​កើតឡើង​ដោយ​កម្រ​។ ជំងឺ​នេះ​បាន​ចាប់ផ្តើម​កើតមាន នៅលើ​ក្បាល​សុដន់ ហើយ​បាន​ពង្រីក​ទៅ​ជា​រង្វង់​ខ្មៅ នៅ​ជុំវិញ​ក្បាល​ដោះ ហើយ​ជា​ធម្មតា វា​កើតមានឡើង ចំពោះតែ​សុដន់​តែប៉ុណ្ណោះ​។ ជំងឺ Paget ច្រើន​កើតមាន ចំពោះ​ស្ត្រី​ដែល​មាន​អាយុ​លើសពី ៥០ ឆ្នាំ​។​
​ជំងឺ Paget ប៉ះពាល់​ទៅលើ​ក្បាល​ដោះ និង​ស្បែក​នៅ​ជុំវិញ​ក្បាលដោះ ដែល​វា​ធ្វើឱ្យមាន​ភាពងាយស្រួល​ក្នុង​ការភ័នច្រលំ​សញ្ញា និង​រោគសញ្ញា​នៃ​ជំងឺ Paget ទៅ​នឹង​ការ​រលាក​ស្បែក ឬ​ជំងឺ​ស្បែក​ដទៃទៀត​។​
​សញ្ញា និង​រោគសញ្ញា​នៃ​ជំងឺ Paget រួមមាន ៖
•​    ​ស្បែក​នៅលើ​ក្បាល​សុដន់​អាច​របក ឬ​មាន​ស្លាកស្នាម​
•​    ​ស្បែក​នៅលើ​ក្បាល​សុដន់ ឬ​នៅ​ជុំវិញ​ក្បាល​សុដន់ ឬ ទាំង​នៅលើ​ក្បាល​សុដន់ និង​ស្បែក​នៅ​ជុំវិញ​សុដន់ ប្រែជា​ឡើង​រឹង ហើយ​អាច​មាន​ហូរ​ខ្ទុះ ឬ​ឈាម​មក​ជាមួយ​
•​    ​រមាស់​
•​    ​ក្រហម​
•​    ​ការ​មាន​អារម្មណ៍​ថា ក្រហាយ ឬ​ឈឺ​ចាក់ឆឹបៗ​
•​    ​ក្បាលដោះ​ប្រែជា​មាន​ពណ៌​ដូច​ចំបើង ឬ​មាន​ហូរ​ឈាម​ពី​ក្បាល​ដោះ​
•​    ​ក្បាលដោះ​ប្រែជា​រាបស្មើ ឬ​លឹប​ចូលក្នុង​
•​    ​មាន​ដុំ​នៅក្នុង​សុដន់​
•​    ​ស្បែក​នៅលើ​សុដន់​ប្រែជា​ក្រាស់ ៕

ត្រួតពិនិត្យដោយ www.health.com.kh ថ្ងៃទី27 មីនា ឆ្នាំ2015