ស្គាល់ម្ចាស់បេះដូងរបស់អង្គរក្សស្រី ស៊ន ដាវីន អត់?

ស្គាល់ម្ចាស់បេះដូងរបស់អង្គរក្សស្រី ស៊ន ដាវីន អត់?

ម្ចាស់មេដាយប្រាក់ស៊ីហ្គេម ស៊ន ដាវីន បានលាតត្រដាងអាថ៌កំបាំងស្នេហាដ៏ជ្រាលជ្រៅគ្មានទីបំផុតជាសាធារណៈ ប៉ុន្តែកញ្ញាមិនទាន់បង្ហើបប្រាប់ពីអត្តសញ្ញាណបុរសនោះនៅឡើយទេ ដោយទុកពេលឲ្យអ្នកគាំទ្ររបស់នាងសាកទាយមើល។

កីឡាការិនីជម្រើសជាតិកម្ពុជា ស៊ន ដាវីនបានប្រាប់ថា កញ្ញាមានទំនាក់ទំនងស្នេហាជាមួយបុរសសំណព្វចិត្តរបស់នាងរយៈពេលជិតមួយឆ្នាំហើយ និងបានស្វែងយកចិត្តគំនិតគ្នាទៅវិញទៅមកយ៉ាងច្បាស់ សូម្បីតែសាច់ញាតិទាំងសងខាងក៏ដឹងដែរ ប៉ុន្តែមិនទាន់គិតគូរដល់ថ្ងៃរៀបការនោះទេ។

កញ្ញា ស៊ន ដាវីន (រូបថត FB ដាវីន)

ដាវីននិយាយថា ៖«យើងស្គាល់ចិត្ត ស្គាល់ថ្លើមគ្នាច្បាស់ណាស់ ហើយគ្មានអីត្រូវសិក្សាស្វែងយល់គ្នាទៀតទេ។ ជិតមួយឆ្នាំនេះយើងសិក្សាស្វែងយល់គ្នាបានល្អហើយ។ គ្រួសារយើងទាំងសងខាងក៏ដឹងដែរ តែមិនទាន់បានជួបគ្នាជាផ្លូវការនៅឡើយទេ»។

ឆ្លើយតបនឹងសំនួរថា តើពេលណាទើបកញ្ញាគិតគូរឿងរៀបការ? កញ្ញាឆ្លើយថា ចាំមើលមួយរយៈពេលទៀត ពីព្រោះពេលនេះកំពុងជាប់រៀន ហើយក៏មិនទាន់មានការងារធ្វើច្បាស់លាស់ដែរ ដូច្នេះ«យើងមិនទាន់គិតនៅឡើយទេ ចាំដល់ពេល នឹងប្រាប់»។

កញ្ញាអាចប្រាប់បានទេពីសមាសភាពរបស់បុរសនោះ? ដាវីនតបថា ៖«ចាំតិចទៀតសិនបង ពេលនេះមិនទាន់ដល់ពេលប្រាប់ទេ ទុកឲ្យអ្នកគាំទ្រទាយមើលសិនចុះ តែគាត់(ម្ចាស់បេះដូង)ចង់ឲ្យខ្ញុំប្រាប់ដែរ តែខ្ញុំប្រាប់គាត់ថា កុំអាល ចាំតិចទៀតសិន?

បើជាFriends នៅក្នុងគណនី Facebook របស់កញ្ញា ស៊ន ដាវីន ប្រហែលជាអាចដឹងខ្លះៗពីសមាសភាពរបស់បុរសនោះ ដូច្នេះសូមគិតបន្តិចមើលថា តើនរណាជាសំណព្វចិត្តរបស់អង្គរក្សស្រីជាម្ចាស់មេដាយប្រាក់ស៊ីហ្គេមឆ្នាំ២០១៣?

ប្រភព Sabay

មុន បន្ទាប់

មតិយោបល់