អីយ៉ា! សាកទាយមើល៍កំពូលមេដឹកនាំពិភពលោកចូលចិត្តប្រើទូរសព្ទម៉ាកអីខ្លះ?
ទូរស័ព្ទស៊េរីទំនើបៗប្រភេទ Smartphone របស់ក្រុមហ៊ុនល្បីៗជាច្រើនដូចជា Apple, Samsung ឬ BlackBerry ជាដើម កំពុងវាយលុកទីផ្សារនៅលើពិភពលោក ស្របពេលដែលមនុស្សសម័យថ្មីជាពិសេសយុវវ័យកំពុងពេញនិយម និងឲ្យតម្លៃលើបច្ចេកវិទ្យាមួយនេះ។ ប៉ុន្តែ នៅពីក្រោយប្រជាពលរដ្ឋសាមញ្ញទូទៅ យើងក៏សង្កេតឃើញមេដឹកនាំពិភពលោកមួយចំនួនក៏ពេញនិយមមានចំណាប់អារម្មណ៍ប្រើប្រាស់ប្រភេទ Smartphone ទាំងនេះផងដែរ។
ចង់ដឹងថា តើទូរស័ព្ទប្រភេទអ្វីខ្លះដែលមេដឹកនាំទាំងនេះ ពេញនិយមប្រើប្រាស់សូមតាមដានខាងក្រោមនេះទាំងអស់គ្នា!
១ ប្រធានាធិបតីអាមេរិកលោកអូបាម៉ា
BlackBerry ត្រូវបានគេមើលឃើញថា ជាប្រភេទទូរស័ព្ទពេញនិយមជាងគេរបស់លោកអូបាម៉ា។ ប៉ុន្តែចាប់តាំងពីក្លាយជាប្រធានាធិបតីកាលពីឆ្នាំ២០០៩ បញ្ហាសុវត្ថិភាពលើប្រព័ន្ធទូរស័ព្ទបានតម្រូវឲ្យលោកបោះបង់ចោលទូរស័ព្ទរបស់ក្រុមហ៊ុននេះ។ ទោះបីជាគេមិនបានបញ្ជាក់ថា តើទូរស័ព្ទរបស់ក្រុមហ៊ុនណាបានក្លាយជាសំណប់ចិត្តរបស់លោកអូបាម៉ាក្រោយមក ប៉ុន្តែទូរស័ព្ទ iPhone របស់ក្រុមហ៊ុន Apple ត្រូវគេឃើញមានវត្តមាននៅលើដៃកូនស្រីទាំងពីររបស់គាត់។
២ ប្រធានាធិបតី រុស្ស៊ី Vladimir Putin
ក្រឡេកទៅមើលឆ្នាំ២០១០ លោកពូទីនបានមានប្រសាសន៍ថា គាត់គ្មានទូរស័ព្ទប្រើប្រាស់នៅក្នុងដៃនោះឡើយ។ ក្រោយមកតាមប្រភព Techweb បានឲ្យដឹងថា ចាប់តាំងពីឆ្នាំ២០១២ ប្រធានាធិបតីរូបនេះបានប្រើប្រាស់ទូរស័ព្ទ Smartphone ប្រភេទ MTS-Glonass 945 និង ទូរស័ព្ទ Android។
៣ ប្រធានាធិបតីចិន លោក Xi Jinping
គេមិនអាចដឹងច្បាស់នោះទេថា តើប្រធានាធិបតីចិន លោក Xi Jinping ប្រើប្រាស់ទូរស័ព្ទម៉ាកអ្វីនោះឡើយ? ប៉ុន្តែនៅពេលបង្ហាញខ្លួននៅសាធារណៈមួយកន្លែង គេឃើញលោកជំទាវទី១របស់គាត់គឺលោកស្រី Peng Li Yuan បានទាញទូរស័ព្ទ iPhone 5 មកថតវិញ ដែលគេសន្និដ្ឋានថា ប្រធានាធិបតីរូបនេះទំនងពេញចិត្តផលិតផលរបស់ Apple នេះដែរ។
៤ ប្រធានាធិបតីកូរ៉េខាងជើង លោក គីម ជុងអ៊ុន
សម្រាប់មេដឹកនាំវ័យក្មេងរបស់រដ្ឋផ្ដាច់ការកូរ៉េខាងជើង គេហទំព័រ Techweb បានបញ្ជាក់ថា លោកគីម ជុងអ៊ុនបានប្រើប្រាស់ទូរស័ព្ទរបស់ក្រុមហ៊ុនHTC ជាក្រុមហ៊ុនទូរស័ព្ទដៃធំបំផុតមួយរបស់តៃវ៉ាន់គឺ HTC Butterfly ដែលឃើញមានជាទូទៅជាប់នឹងខ្លួនរបស់លោកពេលមានកិច្ចប្រជុំ ឬ ចូលរួមកម្មវិធីផ្សេងៗជាសាធារណៈ។
៥ នាយករដ្ឋមន្ត្រីថៃ លោកស្រី យីងឡាក់
ក្រៅពីកិច្ចការនយោបាយ នាយករដ្ឋមន្ត្រីដ៏ស្រស់ស្អាតម្នាក់នេះ ត្រូវបានគេមើលឃើញថាក៏ពេញនិយមក្នុងការប្រើប្រាស់ទូរស័ព្ទស៊េរីទំនើបៗ ផងដែរហើយក៏មិនមែនមួយគ្រឿងដែរ គឺច្រើនគ្រឿងក្នុងពេលតែមួយតែម្តង។ ក្នុងចំណោមប្រភេទទូរស័ព្ទប្រភេទ Smartponeទំនើបៗទាំងនោះ Nokia Lumia 920 ក៏មានវត្តមាននៅក្នុងដៃរបស់លោកស្រីផងដែរ។
៦ នាយករដ្ឋមន្ត្រីអង់គ្លេស David Cameron
ងាកមកមើលមេដឹកនាំមហាអំណាចនៅអឺរ៉ុបរូបនេះវិញគឺលោកនាយករដ្ឋមន្ត្រី David Cameron ទូរស័ព្ទរបស់ក្រុមហ៊ុន BlackBerry ត្រូវបានគេបញ្ជាក់ថា គឺជាប្រភេទ Smartphone ពេញនិយមបំផុតរបស់លោក។
៧ លោកស្រីអធិការបតីអាល្លឺម៉ង់ Angela Merkel
មិនខុសពីនាយករដ្ឋមន្ត្រីអង់គ្លេសសម្រាប់លោកស្រី Angela Merkel ក៏ពេញនិយមចូលចិត្តប្រើប្រាស់ផលិតផលរបស់ BlackBerryផងដែរ គឺBlackBerry Z10។
៨ ប្រធានាធិបតីបារាំង François Hollande
iPhone 5 គឺជាទូរស័ព្ទប្រភេទ Smartphone ដ៏ទំនើបបំផុតមួយដែលប្រធានាធិបតីបារាំងលោក François Hollande ពេញនិយមប្រើប្រាស់ក្នុងតំណែងរបស់លោក ហើយទូរស័ព្ទប្រភេទនេះ លោកប្រើប្រាស់សម្រាប់ជាឯកជនតែប៉ុណ្ណោះ៕
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
