អាហារូបករណ៍ក្នុងស្រុកពេញថ្លៃ លក្ខខណ្ឌងាយៗ សិស្សនិស្សិតកម្ពុជាមិនគួរមើលរំលង

អាហារូបករណ៍ក្នុងស្រុកពេញថ្លៃ លក្ខខណ្ឌងាយៗ សិស្សនិស្សិតកម្ពុជាមិនគួរមើលរំលង

អង្គការមូលនិធិ ឌី. ខេ. គីម កម្ពុជា ជាអង្គការក្រៅរដ្ឋាភិបាល ដែលធ្វើសកម្មភាពរួមចំណែកក្នុងការអភិវឌ្ឍធនធានមនុស្សនៅកម្ពុជាតាមរយៈវិស័យអប់រំ។ សម្រាប់ឆ្នាំសិក្សា២០១៤-២០១៥នេះ អង្គការនេះនឹងផ្ដល់អាហារូបករណ៍ក្នុងប្រទេសសរុបចំនួន១៥០កន្លែង ទាំងសិស្សទើបប្រលងជាប់បាក់ឌុប និងកំពុងរៀននៅតាមគ្រឹះស្ថានឧត្ដមសិក្សាក្នុងប្រទេសកម្ពុជា។

ប្រលងមធ្យមសិក្សាទុទិយភូមិ-2

លក្ខខណ្ឌនៃការជ្រើសរើស៖

សម្រាប់សិស្សថ្នាក់ទី១២

-ប្រលងជាប់បាក់ឌុប ហើយទទួលបាននិន្ទេសរួមចាប់ពី B ឡើងទៅ ហើយមានជីវភាពខ្វះខាត និងមានសីលធម៌រស់នៅល្អ
-សរសេរអត្ថបទជាភាសាអង់គ្លេស ដែលរៀបចំឡើងដោយអង្គការ
-សៀវភៅគ្រួសារ និងអត្តសញ្ញាណប័ណ្ណ។

សម្រាប់និស្សិតឧត្ដមសិក្សា

-ធ្លាប់បានរៀន ឬកំពុងរៀននៅតាមគ្រឹះស្ថានឧត្ដមសិក្សាណាមួយ ហើយទទួលបាន GPA ចាប់ពី៣.០០ ឡើងទៅ និងមានជីវភាពខ្វះខាត តែមានសីលធម៌រស់នៅល្អ
-សរសេរអត្ថបទជាភាសាអង់គ្លេស ដែលរៀបចំឡើងដោយអង្គការ
-លិខិតបញ្ជាក់ការស្នាក់នៅ សៀវភៅគ្រួសារ អត្តសញ្ញាណប័ណ្ណជាដើម។

កាលបរិច្ឆេទទទួលពាក្យចាប់ពីថ្ងៃទី១ ខែកក្កដា ដល់ថ្ងៃទី២២ ខែសីហា ឆ្នាំ២០១៤។ ព័ត៌មានបន្ថែមទាក់ទងនឹងការទទួលពាក្យសុំ និងការដាក់ពាក្យ អាចទំនាក់ទំនងបាននៅការិយាល័យតំណាងអង្គការមូលនិធិ ឌី. ខេ. គីម កម្ពុជា ដែលមានអាស័យដ្ឋានអគារលេខ ២៥៤ មហាវិថីព្រះមុនីវង្ស រាជធានីភ្នំពេញ (ទល់មុខវិទ្យាល័យវត្តកោះ) ឬទូរសព្ទលេខ (០២៣) ២១០ ៣៣២/២១០ ៣៣៤៕

from : sabay

មុន បន្ទាប់

មតិយោបល់