ភ្នំពេញ ៖ ជនសង្ស័យម្នាក់ បានធ្វើសកម្មភាពកាច់សោរ ម៉ូតូបានសម្រេច ហើយតែរត់មិនរួច ត្រូវម្ចាស់តាមទាន់ប្តឹងសមត្ថកិច្ច នគរបាលចរាចរណ៍ ដែលប្រចាំការនៅត្រង់ ស្តុបកែងផ្លូវ២០០៤ ក្របួចជាប់កាលពីវេលាម៉ោង ០៣និង13នាទី រសៀល ថ្ងៃទី២១  ខែកញ្ញា  ឆ្នាំ២០១៥  ។

ជនសង្ស័យមានឈ្មោះ យ៉ាំង  ឡុង អាយុ៣១ឆ្នាំ ជាជនជាតិវៀតណាម មុខរបរមិនពិតប្រាកដ ស្នាក់នៅ សង្កាត់បឹងសាឡាង ខណ្ឌទួលគោក ហើយមានស្រុកកំណើត នៅខែតតាកែវ  ។

ជនរងគ្រោះមានឈ្មោះ ឡុង ប៊ុនណា ភេទប្រុស  អាយុ៣៦ឆ្នាំ មុខរបរជាងផ្សារដែក មានទីលំនៅភូមិដំណាក់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ម៉ូតូដែល ជនសង្ស័យ ធ្វើសកម្មកាច់ករ នោះ ម៉ាក វ៉េវ ពណ៌ក្រហម លាយខ្មៅស្លាកលេខភ្នំពេញ1 AI -2231  ។

តាមសម្តីជនរងគ្រោះបានប្រាប់ឱ្យដឹងថា មុនពេលកើតហេតុ គាត់បានជិះម៉ូតូទៅទុកមុខផ្ទះ កន្លែងគាត់ធ្វើការ សំណង់ការដ្ឋានសំណង់ តាមផ្លូវប៉េតុងភូមិតាងួន សង្កាត់កាកាប ខណ្ឌពោធិ៍សែនជ័យ ហើយគាត់បានឡើងទៅផ្សារដែក លើដំបូល និងតតាយ៉ូទឹក ក៏ស្រាប់តែជនសង្ស័យ បានចូលកាច់ករម៉ូតូ គាត់តែម្តង ហើយក៏មានការផ្អើលឆោឡោ ក៏មានបងប្អូន ជួយដេញតាម មកដល់ត្រង់ស្តប់កែងផ្លូវ២០០៤  កែងផ្លូវសហព័ន្ធ រុស្សី ក៏ត្រូវសមត្ថកិច្ច នគរបាល ចរាចរណ៍ប្រចាំការ នៅទីនោះក្របួចជាប់ប្រគល់ឱ្យ ទៅនគរបាលប៉ុស្តិ៍ នគរបាលរដ្ឋបាល កាកាបដើម្បី ចាត់ការបន្តតាមផ្លូវច្បាប់៕

ផ្តល់សិទ្ធដោយ ដើមអម្ពិល