ប្លន់ទៀតហើយ! យប់មិញយកម៉ូតូ C125 នៅបឹងទំពុន

ប្លន់ទៀតហើយ! យប់មិញយកម៉ូតូ C125 នៅបឹងទំពុន

រាជធានីភ្នំពេញ ៖ យុវជន២នាក់ ត្រូវក្រុមចោរ៤នាក់ កាប់ភ្លន់យកម៉ូតូហុងដាឌ្រីម សេ១២៥មួយគ្រឿង បានសម្រេច ដោយប្រជាពលរដ្ឋ ដេញចាប់បានជនសង្ស័យម្នាក់ និង៣នាក់ទៀត រត់គេចខ្លួនបាត់ តែអស់រយៈពេលមួយម៉ោងហើយ គ្មានឃើញសមត្ថកិច្ចណា មកអើតកន្លែងកើតហេតុនោះទេ ។

ហេតុការណ៍នេះ កើតឡើងកាលពីវេលាម៉ោង០១ និង៣០នាទីរំលងអធ្រាត្រ ឈានចូលថ្ងៃទី១៩ មករា ២០១៦ ស្ថិតនៅតាមបណ្ដោយផ្លូវ៣៧១ ក្នុងសង្កាត់បឹងទំពុន ខណ្ឌមានជ័យ ។

ប្រភពឱ្យដឹងថា ជនរងគ្រោះឈ្មោះញ៉ែម សំរុង អាយុ២១ឆ្នាំ ជាអ្នកលក់ទឹកសុទ្ធ រស់នៅសង្កាត់ច្បារអំពៅទី១ ខណ្ឌច្បាអំពៅ។ រីឯសង្ស័យដែលចាប់ខ្លួនបានឈ្មោះពី កា អាយុ១៥ឆ្នាំ ស្នាក់នៅម្ដុំរោងចក្រស៊ីឡាងហួរ មុខរបរមិនពិតប្រាកដ ។

ប្រភពពីកន្លែងកើតហេតុឱ្យដឹងថា ជនរងគ្រោះចូលលេងក្លិបឌឹ មីង បន្ទាប់មកពួកគេ បានចេញពីក្លិបជាមួយនឹងម៉ូតូមួយគ្រឿង ម៉ាកហុងដាឌ្រឹមសេ១២៥ ពណ៌ខ្មៅ មិនចាំស្លាកលេខ ដោយធ្វើដំណើរ តាមបណ្ដោយផ្លូវ៣៧១ ទើបតែចេញពីក្លិបឌឹ មីង គ្រាន់តែចេញពីក្លឹប បានប្រហែលបានជាង២០ម៉ែត្រ ក៏លេចមុខក្រុមចោរ៤នាក់ បានស្ទាក់ និងធាក់ផ្ដួលចុះមកវាយថែមទៀត និងលើកយកម៉ូតូ ជិះរត់គេចខ្លួន តែត្រូវប្រជាពលរដ្ឋដេញចាប់បាន១នាក់ ។

ក្រោយពេលកើតហេតុ កម្លាំងកងរាជអាវុធហត្ថ បានដឹកជនរងគ្រោះទៅមន្ទីរពេទ្យ រង់ចាំថ្ងៃទី១៩ មករា ទៅដាក់ពាក្យបណ្តឹង។