ថៃ: ដូចប្រិយមិត្តបានដឹងរួចមកហើយថា រាល់តារាសម្តែងថៃនីមួយៗ រមែងតែងតែមានអ្នកគ្រប់គ្រងផ្ទាល់ខ្លួន សម្រាប់រៀបចំចាត់ចែង នូវតារាងកាលវិភាគការងារឲ្យខ្លួន ជាប្រចាំ ព្រមជាមួយគ្នានោះ អ្នកគ្រប់គ្រងក៏មានកាតព្វកិច្ចផ្សេងៗទៀត ជាច្រើនសម្រាប់តារារបស់ខ្លួន ផងដែរ។

ក្នុងនោះ អ្នកគ្រប់គ្រងតារានីមួយៗ ក៏អាចទទួលបានទឹកប្រាក់ ៣០ភាគរយ នៅក្នុងមួយកម្មវិធី ជាមួយតារារបស់ខ្លួន មានន័យថា ប្រសិនបើ មួយកម្មវិធីទទួលបាន ៨ លានបាត នោះអ្នកគ្រប់គ្រងត្រូវទទួលបាន ២,៤០០,០០០បាត។ រីឯ ចំណែក នៅសល់ជារបស់តារា ដែលត្រូវទទួលបាន ពីការខិតខំប្រឹងប្រែង របស់ខ្លួន។

គួរបញ្ជាក់ផងដែរថា អ្នកគ្រប់គ្រង មិនមែនមានតែតារាម្នាក់ សម្រាប់មើលថែនោះទេ​ គឺមានយ៉ាងតិច៥ ទៅ៦ នាក់ ឯណោះ។

ដូច្នេះចំនួនទឹកប្រាក់ដែលអ្នកគ្រប់គ្រងនីមួយៗ ទទួលបានគឺពិតជាច្រើនខ្លាំងណាស់ ក្នុងមួយតារា៕