ម៉ាល់ឌីវ៖ អ្នកណាក៏ដឹងដែរ ពីគូស្វាមីភរិយាដ៏គួរឲ្យស្រលាញ់ រវាង តារាសម្ដែងប្រុសស្រី លោក Push Puttichai និង Jui Warattaya ម៉្យាងវិញទៀត អ្នកទាំងពីរ ថែមទាំងមានភាពសាកសមនឹងគ្នាទៀតផង មិនត្រឹមតែប៉ុណ្ណោះ អ្នកទាំងពីរកាន់តែផ្អែមល្ហែមជាងមុន ដោយមួយរយៈចុងក្រោយនេះ ពួកគេតែងតែទៅធ្វើដំណើរកម្សាន្តជាមួយគ្នា យ៉ាងរ៉ូមែនទិក ជាមួយនឹងទីកន្លែងដ៏ស្រស់ស្អាត ក្រោយពេលសម្រាកពីការងាររៀងៗខ្លួន។

យ៉ាងណាមិញ កាលពីថ្មីៗនេះ តារាសម្ដែងប្រុសស្រី ដែលជាគូស្វាមីភរិយាមួយគូនេះ ក៏បាននាំគ្នាទៅកម្សាន្តនៅ ម៉ាល់ឌីវ ព្រមទាំងបានបង្ហាញរូបភាពដ៏ផ្អែមល្ហែម និងរ៉ូមែនទិកយ៉ាងខ្លាំង ជាមួយគ្នាផងដែរ។

អ្វីដែលកាន់តែពិសេសអស្ចារ្យទៀតនោះគឺ ដោយសារតែនេះ គឺជាការទៅលេងឆ្នេរសមុទ្រ ដូច្នេះហើយ សម្រាប់តារាសម្ដែង Jui មិនបានធ្វើឲ្យអ្នកគាំទ្រខកបំណងនោះទេ ដោយបានបង្ហាញរូបភាពរបស់ខ្លួនជាមួយនឹងឈុតប៊ីគីនី វាលខ្នងដ៏សខ្ចី ព្រមទាំងបង្ហាញស្នាមសាក់ត្រគាកយ៉ាងស៊ិចស៊ី ដែលសាកសមទៅនឹងបរិយាកាសដ៏ស្រស់ស្អាតនៅឯមាត់សមុទ្រ ផងដែរ៕

ចង់ជ្រាបច្បាស់ សូមទស្សនារូបភាពខាងក្រោម៖