ផ្លែឪឡឹក ល្អចំពោះសុខភាព

ផ្លែឪឡឹក ល្អចំពោះសុខភាព

ក្រៅពីមានឱជាតិរសដ៏ផ្អែមឆ្ងាញ់ក្នុងរដូវក្តៅ ផ្លែឪឡឹកក៏មានអត្ថប្រយោជន៍ផ្សេងៗទៀតជាច្រើនដែរ ជាពិសេស វាផ្ទុកទៅដោយជាតិវីតាមីន និងជាតិរ៉ែដ៏សំខាន់ៗសម្រាប់ជួយអោយមនុស្សយើងមានសុខភាពល្អ។

•    ប្រភពជាតិទឹកដ៏ច្រើនដែលមានក្នុងផ្លែឪឡឹកនឹងជួយបង្គ្រប់ជាតិទឹកដ៏ច្រើនដល់រាងកាយ។ តើអ្នកកំពុងតែអស់កម្លាំងក្រោយពីធ្វើការពេញមួយថ្ងៃដែរទេ? ដូច្នេះ វាគួរតែដល់ពេលភ្លក់រសជាតិទឹកឪឡឹកហើយ។
•    ផ្លែឪឡឹកផ្ទុកទៅដោយសារធាតុ Lycopene ដែលជាសារធាតុដ៏អស្ចារ្យមួយដែលជំនួយដល់សុខភាពឆ្អឹង។ Lycopene ត្រូវបានគេស្គាល់ថាជួយបន្ថយការធ្វើអុកស៊ីតកម្ម និងជម្រុញអោយឆ្អឹងកាន់តែរឹងមាំ។
•    ជាតិប៉ូតាស្យូមក្នុងផ្លែឈើមួយនេះនឹងជួយរក្សាជាតិកាល់ស្យូមក្នុងរាងកាយ។
•    សារធាតុ Lycopene ក៏ល្អចំពោះសុខភាពបេះដូង-សរសៃឈាមដែរ ព្រោះវាទៅពង្រឹងដល់លំហូរឈាមក្នុងរាងកាយ។
•    សារធាតុ Citrulline គឺជាអាស៊ីតអាមីណេម្យ៉ាងដែលជួយបន្ថយការកើនឡើងនៃជាតិខ្លាញ់ក្នុងកោសិកាខ្លាញ់របស់រាងកាយ។
•    ផ្លែឪឡឹកមានសារធាតុ Phenolic ដូចជាពពួក Triterpenoids, Flavonoids និង Carotenoids សម្រាប់ជួយបន្ថយការរលាក និងបន្សាបជាតិរ៉ាឌីកាល់សេរី។
•    ផ្លែឪឡឹកដើរតួនាទីជាថ្នាំបញ្ចុះទឹកនោមសម្រាប់បង្កើនលំហូរទឹកនោម ដោយមិនបាច់អោយតម្រងនោមធ្វើការខ្លាំង ព្រមទាំងបញ្ចេញជាតិពុលបានទៀតផង។
•    ជាតិប៉ូតាស្យូមក្នុងផ្លែឪឡឹកក៏ដើរតួនាទីជាអេឡិចត្រូលីត្រ និងផ្លាស់ប្តូរសកម្មភាពរបស់សរសៃប្រសាទ ព្រមទាំងសាច់ដុំ។
•    សារធាតុ Beta-carotene របស់ឪឡឹកនឹងបំលែងទៅជាវីតាមីន A នៅពេលវាចូលទៅដល់ពោះវៀន។ វានឹងបង្កើតជាសារធាតុបំពាក់ពណ៌ក្នុងភ្នែក និងការពារកុំអោយខូចភ្នែក។
•    វីតាមីន C ដ៏ច្រើនរបស់ផ្លែឪឡឹកនឹងជួយពង្រឹងដល់ប្រព័ន្ធភាពស៊ាំ ជាពិសេសធ្វើអោយរបួសឆាប់ជាទៀតផង៕
ប្រភព: health.com.kh

មុន បន្ទាប់

មតិយោបល់