ខ្ទឹមស និងការ៉ុត ល្អសម្រាប់ប្រព័ន្ធការពាររាង្គកាយ

ខ្ទឹមស និងការ៉ុត ល្អសម្រាប់ប្រព័ន្ធការពាររាង្គកាយ

នៅក្នុងវិស័យវេជ្ជសាស្ត្រ ពាក្យថា “មានប្រព័ន្ធភាពស៊ាំ” បានន័យថា អ្នកមានភាពធន់ទៅនឹងការបង្កមេរោគ ឬជំងឺណាមួយ។ ដូច្នេះ ប្រសិនបើអ្នកមានជំងឺច្រើននោះមានន័យថា ប្រព័ន្ធការពាររាងកាយរបស់អ្នកមិនល្អឡើយ ហើយអ្នកនឹងមានឱកាសកាន់តែច្រើនក្នុងការបង្កមេរោគ។ មានកត្តាជាច្រើនដែលប៉ះពាល់ដល់ការឆ្លើយតបរបស់រាងកាយទៅនឹងការឈ្លានពានពីខាងក្រៅ។

ដោយសារតែអាហារូបត្ថម្ភដែលត្រឹមត្រូវ គឺជាផ្នែកមួយនៃប្រព័ន្ធការពាររាងកាយមានសុខភាពល្អ ផ្ទះបាយ គឺជាកន្លែងដ៏ល្អឥតខ្ចោះដែលមានឱសថដែលអាចជំរុញសមត្ថភាពប្រយុទ្ធប្រឆាំងនឹងជំងឺបាន។ ការ៉ូធីន (Carotene) ក៏ដូចជាសារធាតុបេតាការ៉ូធីន(Beta Carotene) ត្រូវបានគេរកឃើញនៅក្នុងការ៉ុត និងបន្លែដែលមានស្លឹកពណ៌ក្រហម លឿង ទឹកក្រូច និងបៃតងងងឹតផ្សេងទៀត។

វាគឺជាអ្នកការពារប្រព័ន្ធភាពស៊ាំ ជាពិសេស គឺក្រពេញ Thymus។ សារធាតុ Carotenes ពង្រឹងការផលិតកោសិកាឈាមស ហើយការសិក្សាជាច្រើនបានបង្ហាញថា ការបរិភោគអាហារដែលសម្បូរសារធាតុ Beta-carotene អាចជួយអោយរាងកាយប្រឆាំងនឹងការឆ្លងមេរោគបានកាន់តែងាយស្រួល។ ចំនែកឯខ្ទឹមស ត្រូវបានគេស្គាល់ថា មានសមត្ថភាពប្រឆាំងបាក់តេរី (Antibacterial) និងប្រឆាំងវីរុស (Antiviral)បាន។

វាអាចជួយការពារបាន សូម្បីតែជំងឺមហារីកក៏ដោយ។ ក្រុមអ្នកស្រាវជ្រាវបានគិតថា អត្ថប្រយោជន៍ទាំងនេះ គឺមកពីប្រសិទ្ធភាពដ៏អស្ចារ្យរបស់ខ្ទឹមសនៅលើប្រព័ន្ធការពាររាងកាយ។ ការសិក្សាមួយបានរកឃើញថា មនុស្សដែលទទួលទានខ្ទឹមសច្រើន មានកោសិកាឈាមសច្រើនជាងអ្នកដែលមិនបរិភោគខ្ទឹមស៕

ប្រភព: Health.com.kh

មុន បន្ទាប់

មតិយោបល់