វីតាមីន D មិនអាចការពារការវិលត្រឡប់នៃការឆ្លងមេរោគបានទេ

វីតាមីន D មិនអាចការពារការវិលត្រឡប់នៃការឆ្លងមេរោគបានទេ

ការស្រាវជ្រាវថ្មីមួយបានបង្ហាញថា កម្រិតខ្ពស់នៃវីតាមីន D មិនអាចជួយការពារការកើតមានឡើងវិញនៃការឆ្លងមេរោគលើទ្វារមាសដែលកើតមានជាទូទៅចំពោះស្ត្រីក្មេងៗបាននោះទេ។

ការស្រាវជ្រាវជាច្រើនក៏បានមើលទៅលើការស្រាវជ្រាវដទៃទៀតដែលថា កម្រិតវីតាមីន D ខ្ពស់អាចជម្រុញដល់ប្រព័ន្ធភាពស៊ាំនៅពេលដែលវាព្យាយាមប្រយុទ្ធប្រឆាំងនឹងការឆ្លងមេរោគនោះ។

វេជ្ជបណ្ឌិត អាប៊ីហ្គាល ណូរីស ធួរណឺរ (Abigail Norris Turner) បាននិយាយថា ការស្រាវជ្រាវបានសង្កេតឃើញថា ស្ត្រីដែលមានកម្រិតវីតាមីន D ទាប ហាក់ដូចជាងាយអោយមានការឆ្លងមេរោគបាក់តេរីលើទ្វារមាស ហើយយើងបានរកឃើញថា ថ្នាំគ្រាប់វីតាមីន D អាចជួយបន្ថយហានិភ័យនេះ។

គាត់បាននិយាយថា ទោះជាយ៉ាងណាក៏ដោយការស្រាវជ្រាវរបស់យើងបានរកឃើញថា ថ្នាំគ្រាប់ដែលមានកម្រិតវីតាមីន D ខ្ពស់ មិនមានប្រយោជន៍ក្នុងការការពារការកើតមានសារជាថ្មីនៃការឆ្លងមេរោគបាក់តេរីនៅលើទ្វារមាសនោះទេ។

Vaginosisគឺជាជំងឺមួយដែលមិនមែនមកពីការរួមភេទទេ ហើយវាកើតមានឡើងនៅពេលបាក់តេរីនៅលើប្រដាប់បន្តពូជក្លាយជាមិនមានលំនឹង។ អ្នកស្រាវជ្រាវបានសម្គាល់ឃើញថា ថ្នាំសម្លាប់បាក់តេរី អាចកម្ចាត់ការឆ្លងមេរោគនេះ ប៉ុន្តែស្ត្រីជាច្រើនទទួលរងនូវបញ្ហានេះដដែលៗ ដែលវាអាចបណ្តាលអោយពួកគេខ្មាស់អៀន និងអាចរលូតកូនផងដែរ។

តាមការប៉ាន់ស្មានស្ត្រីប្រហែលជា ២១លាននាក់(ជនជាតិស្បែកខ្មៅច្រើនជាងស្បែកស) ត្រូវបានគេធ្វើរោគវិនិច្ឆ័យថាមានការឆ្លងមេរោគនៅនឹងទ្វារមាសនេះនៅក្នុងសហរដ្ឋអាមេរិកជារៀងរាល់ឆ្នាំ។
ប្រភព៖health.com.kh

នៅក្នុងការស្រាវជ្រាវពួកគេបានមើលទៅលើស្ត្រី១១៨នាក់ដែលមានការឆ្លងមេរោគលើទ្វារមាស ហើយបានអោយកម្រិតខ្ពស់នៃវីតាមីន D និងស្ត្រីខ្លះអោយPlacebo។ កម្រិតវីតាមីន D បានកើនឡើងចំពោះស្ត្រីដែលបានទទួលថ្នាំគ្រាប់ ប៉ុន្តែពួកគេហាក់ដូចជាមិនសូវវិវត្តទៅជាការឆ្លងមេរោគលើទ្វារមាសម្តងទៀតរយៈពេល២៤សប្តាហ៍។

ការស្រាវជ្រាវត្រូវបានចេញផ្សាយនៅក្នុងកាសែត American Journal of Obstetrics and Gynecology៕- chhay

មុន បន្ទាប់

មតិយោបល់