ចង់បានកូនប្រុសឬ ស្រី? តើយើងអាចកំណត់បានដែរឬទេ?

ចង់បានកូនប្រុសឬ ស្រី? តើយើងអាចកំណត់បានដែរឬទេ?

១. អ្វីដែលត្រូវដឹងនៅមុនពេលបង្កកំណើត

តាមវិទ្យាសាស្ត្រដែលមានលក្ខណៈប្រត្យក្រ៖ ភេទរបស់ទារកត្រូវបានកំណត់នៅពេលបង្កកំណើត។ ក្រូមូសូម X របស់ម្តាយអាចជួបនឹងស្ពែម៉ាតូសូអ៊ីត X ឬ Y របស់ឪពុកដែលបង្កជាស៊ុត (អំប៊្រីយ៉ុង) ដែលមានក្រូមូសូម XX ដែលជាភេទស្រី និង XY ដែលជាភេទប្រុស។ ទោះជាយ៉ាងណាការព្យាករទុកមុនក៏ត្រូវបានគេកំណត់នៅមុននិងនៅពេល ដែលមានការបង្កកំណើត។ មានឯកសារជាច្រើនដែលសរសេររៀបរាប់អំពីក្តីស្រមៃរបស់បុរសក្នុងការ កំណត់ភេទរបស់កូនរបស់ខ្លួននៅពេលដែលភរិយាមានផ្ទៃពោះម្តងៗ។ នៅយុគសម័យកណ្តាល ស្ត្រីដែលនឹងក្លាយទៅជាម្តាយមានជំនឿថាបរិភោគសាច់ក្រហមនឹងទទួលបាន កូនប្រុស។ បច្ចុប្បន្នក៏នៅតែមានមតិយោបល់ជាហូរហែរាប់មិនអស់ដែរ រហូតដល់មានការពិនិត្យអេកូទើបមតិយោបល់ទាំងនោះហាក់ដូចជាសាបរលាបទៅ វិញ (« ពោះរាងសំប៉ែតទូលាយ ប្រាកដជាកូនស្រីហើយ! »)។ មានមនុស្សមួយចំនួនទៀតមានជំនឿថាភេទរបស់កូនគឺមានទំនាក់ទំនងទៅ នឹងអាកាសធាតុ រាសីនៃខែកំណើត រដូវកាលជាដើម។

២. កូនស្រីឬប្រុសទៅតាមរបបអាហារ

បើតាមវេជ្ជបណ្ឌិត François Papa , ការកំណត់របបអាហារចំពោះមាតា រយៈពេលប៉ុន្មានខែមុនពេលមានគត៌គឺមានអំពើដោយផ្ទាល់នៅក្នុងកស្បូន ដែលអាចអោយវាមានប្រសិទ្ធភាពទៅលើស្ពែម៉ាតូសូអ៊ីតនៅពេលឆ្លងកាត់វា។ របបអាហារដែលកាត់បន្ថយអំបិលនិងសំបូរជាតិកាល់ស្យូមនិងម៉ាញ៉េស្យូម បង្កើនជាតិអាស៊ីតនៅក្នុងទឹករំអិលនៃមាត់ស្បូនដែលមានអំណោយផលដល់ ស្ពែម៉ាតូសូអ៊ីត ដែលបង្កជាកូនស្រី។ របបអាហារដែលមានអំណោយផលក្នុងការបង្កកំណើតកូនស្រីមានដូចជា៖ ទឹកដោះគោ បន្លែបៃតង ត្រី ស៊ុត។

ផ្ទុយទៅវិញរបបអាហារដែលសំបូរសូដ្យូម និងប៉ូតាស្យូម (សាច់ សាច់ក្រក សាច់ហ្សំបុង សាច់ប៉ាតេ ត្រីឆ្អើរ) ដែលមានកំរិត pH តិចមានអំណោយផលក្នុងការបង្កកំណើតកូនប្រុស។

ប៉ុន្តែចូរចងចាំថាដើម្បីអោយមានប្រសិទ្ធភាព អ្នកត្រូវតែបរិភោគអាហារទៅតាមរបបអាហារនេះអោយបានរៀងរាល់ថ្ងៃដោយ មិនមានអាក់ខានក្នុងរយៈពេល៤ខែមុនពេលមានផ្ទៃពោះ។ លើសពីនេះទៅទៀតមានថ្នាំមួយចំនួនក៏បង្អាក់ដល់គុណប្រយោជន៍នៃការ បរិភោគតាមរបបអាហារនេះដែរ។

៣. ថ្ងៃដែលបានកូនស្រី ថ្ងៃដែលបានកូនប្រុស

រួមភេទនៅមុនពេលដែលអូវុលធ្លាក់ ^(១) (អាចមុនរហូតដល់៥ថ្ងៃ) នឹងមានឱកាសទទួលបានកូនស្រី។ រួមភេទនៅពេលឬនៅក្រោយពេលដែលអូវុលធ្លាក់ (ក្រោយរហូតដល់២ថ្ងៃ) នឹងមានឱកាសទទួលបានកូនប្រុស។ ការពន្យល់៖ ទឹករំអិលដែលនៅក្នុងមាត់ស្បូន (ជាអ្នកជំរុញអោយស្ពែម៉ាតូសូអ៊ីតឆ្លងកាត់ចូលទៅក្នុងស្បូន) កើនឡើងនៅពេលដែលអូវុលធ្លាក់។ នៅមុនពេលអូវុលធ្លាក់ ស្ពែម៉ាតូសូអ៊ីតពិបាកនឹងឆ្លងកាត់មជ្ឈដ្ឋាននេះ។ ស្ពែម៉ាតូសូអ៊ីតអាចឆ្លងកាត់បានដោយល្បឿនយឺត ដូច្នេះស្ពែម៉ាតូសូអ៊ីតដែលអាចឆ្លងកាត់បានគឺជាស្ពែម៉ាតូសូអ៊ីតដែលមាន ក្រូម៉ូសូម X (ស្ពែម៉ាតូសូអ៊ីតដែលបង្កជាកូនស្រី) ព្រោះវាមានអាយុវែងជាងស្ពែម៉ាតូសូអ៊ីតដែលមានក្រូម៉ូសូម Y។ នៅពេលនិងក្រោយអូវុលធ្លាក់ស្ពែម៉ាតូសូអ៊ីតដែលមានក្រូម៉ូសូម Y វាមានល្បឿនលឿនជាងគេដូច្នេះហើយដែលធ្វើអោយមានឱកាសនឹងទទួលបានកូន ប្រុស។ ប៉ុន្តែតាមវិធីនេះ គេត្រូវដឹងអោយច្បាស់អំពីពេលដែលអូវុលធ្លាក់របស់ស្ត្រីនោះ…

អូវុលធ្លាក់ (Ovulation) ៖ គឺនៅពេលដែលអូវុល (ពង) ចេញពីដៃស្បូនមកដល់សំបុកពង (មិនមែនជាពេលដែលមានលោហិតរដូវធ្លាក់មកទេ)។ សំរាប់ស្ត្រីដែលមានរដូវទៀងទាត់ វដ្តដែលអូវុលធ្លាក់គឺមានរយៈពេល១៤ថ្ងៃគិតចាប់ពីថ្ងៃដែលអស់រដូវ។

ប្រភព៖newstodays

មុន បន្ទាប់

មតិយោបល់