នារីម្នាក់ចូលចិត្តអ្នក មានកាយវិការបែបណា?

នារីម្នាក់ចូលចិត្តអ្នក មានកាយវិការបែបណា?

ការដៀងភ្នែក និងស្នាមញញឹមពីមនុស្សស្រីម្នាក់ដែលអ្នកកំពុងចាប់អារម្មណ៍ ប្រហែលជាអាចបញ្ជាក់ថា នាងកំពុងតែចូលចិត្តអ្នកដែរហើយ ប៉ុន្តែ វាប្រហែលជាមិនអាចកើតឡើងគ្រប់ករណីនោះទេ។ វាច្រើនតែជារឿងពិបាកសម្រាប់បុរស ដើម្បីដឹងថា តើមានអ្វីកើតឡើងក្នុងចិត្តរបស់មនុស្សស្រី។ ខាងក្រោមនេះ គឺជារឿងមួយចំនួនដែលអាចជួយដល់អ្នកបាន។ ចូរយកចិត្តទុកដាក់ទៅលើសញ្ញាជាច្រើនដែលអាចបញ្ជាក់ថា នាងពិតជាចូលចិត្តអ្នកមែន។

ឧស្សាហ៍និយាយពីនេះពីនោះ
ការនិយាយពីនេះពីនោះជាមួយអ្នក និងចេះតែព្យាយាមចង់ដឹងអំពីអ្នកកាន់តែច្រើន អាចជាសញ្ញាបញ្ជាក់ថា នាងចាប់អារម្មណ៍លើរូបអ្នកហើយ។ ខណៈពេលកំពុងតែនិយាយគ្នាបែបនេះ នាងច្រើនតែមានអាការៈអៀនខ្មាស់ និងបញ្ចេញសម្លេងស្រួយជាងមុនទៀតផង។ នាងនឹងសើចចំពោះការនិយាយកំប្លែងបែបឆ្គួតៗរបស់អ្នក ប៉ុន្តែ មិនត្រូវនិយាយរឿងកំប្លែងតែមួយមុខទេ ព្រោះនាងអាចនឹងចូលចិត្ត ឬមិនចូលចិត្តដែរ។

ប្រាប់អំពីអាថ៌កំបាំងរបស់នាង
ការគិតស្រមើស្រមៃរបស់ស្ត្រីម្នាក់អាចនឹងប្រាប់អោយអ្នកដឹងបាន បើសិនជាអ្នកជាមនុស្សដែលនាងចាប់អារម្មណ៍ ហើយរឿងនេះ នាងក៏មិនដែលទៅប្រាប់នរណាម្នាក់ផ្សេងទៀតដែរ។ នាងនឹងជឿជាក់លើអ្នកជាងមិត្តភក្តិរបស់នាងទៅទៀត។ នាងនឹងសុំដំបូន្មាន និងគំនិតពីអ្នកទៀតផង ចំពោះគ្រប់បញ្ហាដែលកើតមានចំពោះនាង។

អញ្ជើញអ្នកទៅមើលកុន ឬធ្វើអ្វីជាមួយគ្នា
បើសិនជានាងបង្កើតគម្រោងដើម្បីចំណាយពេលវេលានៅជាមួយអ្នកនោះ នាងទំនងជាចូលចិត្ត ឬចង់អោយអ្នកនៅជាមួយនាងណាស់។ ដូច្នេះ នាងក៏នាងចង់អោយអ្នកចូលរួមក្នុងគម្រោងនោះជាមួយមិត្តនាងដែរ។

របៀបដែលនាងមើលមកអ្នក
មនុស្សស្រីដែលចាប់អារម្មណ៍មកលើអ្នកនឹងប្រើស្នាមញញឹមភ្លាមៗបាញ់មករកអ្នកតែម្តង នៅពេលអ្នកចាប់ផ្តើមនិយាយសន្ទនាគ្នា។ នាងប្រហែលជាមិនបង្ហាញអំពីអារម្មណ៍ខ្លាំង ឬនិយាយអំពីរឿងនេះនោះទេ ប៉ុន្តែ នាងនឹងសម្លឹងមើលអ្នកយ៉ាងងឿងឆ្ងល់ និងស្តាប់អ្នកនិយាយដោយយកចិត្តទុកដាក់ ១០០ ភាគរយតែម្តង។ ការបើកភ្នែកធំៗមើលអ្នកក៏ជាសញ្ញាមួយផ្សេងទៀតដែលបញ្ជាក់ថា នាងចាប់អារម្មណ៍លើអ្នកដែរ៕

ប្រភព៖ Health.com.kh

មុន បន្ទាប់

មតិយោបល់