ឆ្លងមេរោគផ្សិត ពេលមានផ្ទៃពោះ តើគួរព្យាបាលយ៉ាងដូចម្តេច?

ឆ្លងមេរោគផ្សិត ពេលមានផ្ទៃពោះ តើគួរព្យាបាលយ៉ាងដូចម្តេច?

អ្នកអាចមានសុវត្ថិភាព ជាមួយនឹងការព្យាបាល ការឆ្លងមេរោគផ្សិត ក្នុងអំឡុងពេលមានផ្ទៃពោះបាន ជាមួយនឹងក្រែម ប្រឆាំងមេរោគផ្សិត ដែលមិនត្រូវការវេជ្ជបញ្ជា ដែលមានដូចជា ៖
• Miconazole (Monistat)
• Clotrimazole (Gyne-Lotrimin)។

ផលិតផលទាំងនេះ អាចត្រូវបានប្រើ នៅពេលណាមួយ ក្នុងពេលមានផ្ទៃពោះ ហើយវាមិនបង្កហានិភ័យ នៃពិការភាពពីកំណើត ឬផលវិបាកនៃការមានផ្ទៃពោះ ផ្សេងទៀតនោះទេ។ ការព្យាបាលដោយខ្លួនឯង ជាទូទៅ មិនត្រូវបានណែនាំអោយធ្វើនោះទេ។

ការឆ្លងមេរោគផ្សិត គឺជាការរលាកទ្វារមាស ដែលបានកើតមានឡើង នៅពេលកត្តាខាងក្នុង ឬខាងក្រៅមួយចំនួន បានផ្លាស់ប្តូរសភាពធម្មតានៃទ្វារមាស និងបង្កអោយមានការលូតលាស់ នូវពពួកមេរោគផ្សិតមួយចំនួន ដែលជាញឹកញាប់ គឺពពួក កង់ឌីដា អាល់ប៊ីឃែន (Candida albicans)។ ការឆ្លងមេរោគផ្សិត គឺកើតមានជាញឹកញាប់ ជាពិសេស ក្នុងអំឡុងពេលមានផ្ទៃពោះ ដោយសារតែការផ្លាស់ប្តូរអ័រម៉ូនរបស់ស្ត្រី។ រោគសញ្ញា នៃការឆ្លងមេរោគផ្សិត ជាធម្មតា រួមមានការរមាស់ទ្វារមាស និងធ្លាក់ស។

ប្រសិនបើអ្នកមិនធ្លាប់បានធ្វើរោគវិនិច្ឆ័យពីមុន ជាមួយនឹងការឆ្លងមេរោគផ្សិតទេនោះ ហើយមានការវិវត្តរោគសញ្ញា ជាលើកដំបូងក្នុងអំឡុងពេលមានផ្ទៃពោះ សូមពិគ្រោះជាមួយគ្រូពេទ្យ មុនពេលព្យាបាលការឆ្លងមេរោគ ដោយថ្នាំប្រឆាំងមេរោគផ្សិត។ អ្វីដែលហាក់ដូចជាមានការឆ្លងមេរោគផ្សិត ជាការពិត វាអាចជាប្រភេទដទៃនៃការរលាកទ្វារមាស ឬស្ថានភាពផ្សេងទៀតដែលត្រូវការការព្យាបាលផ្សេងពីនេះ។ ដូច្នេះ នេះគឺជាហេតុផល ដែលអ្នកត្រូវទៅជួបគ្រូពេទ្យជាមុនសិន៕

ប្រភព ៖health.com.kh

មុន បន្ទាប់

មតិយោបល់