តាមចាប់ចោរលួចទូរសព្ទអ្នកដោយ Lockwatch និង ADM គឺគ្រប់គ្រាន់បំផុត

តាមចាប់ចោរលួចទូរសព្ទអ្នកដោយ Lockwatch និង ADM គឺគ្រប់គ្រាន់បំផុត

គ្រាន់តែឃើញចំណងជើងប្រហែលប្រិយមិត្តមួយចំនួនយល់ហើយថា តើ Lockwatch និង ADM ជាប្រភេទ app យ៉ាងម៉េចនោះ? ជាការពិតណាស់ កម្មវិធីទាំងពីរមានមុខងារយ៉ាងពិសេសអស្ចារ្យដំណើរការលើ Android OS អាចតាមរកទូរសព្ទដែលបាត់ដោយប្រការណាមួយ មានលក្ខណៈសម្បត្តិប្រហាក់ប្រហែលនឹងកម្មវិធី Find My iPhone នៅលើ iOS អីចឹងដែរ។

តាមការសន្យាជាមួយប្រិយមិត្ត ដូច្នេះទំព័រនេះ Sabay សូមលើកយកកម្មវិធីមួយក្នុងចំណោមកម្មវិធីដែលមានមុខងារប្រហាក់ប្រហែល ដែលអាចស្វែងរកទូរសព្ទបាត់បាន នោះគឺកម្មវិធី Lockwatch Anti-Theft។

Lockwatch ជា Android app ថ្មីមួយមានសមត្ថភាពពិសេសអាចតាមដានទីតាំងរបស់ទូរសព្ទដែលបានបាត់ដោយប្រការណាមួយមិនថា ច្រឡំដៃទុក ឬចោរលួចនោះទេ។ លក្ខណៈពិសេសរបស់កម្មវិធីនេះ គឺថតរូបមនុស្សដែលព្យាយាមដោះសោ (unlock) ទូរសព្ទមិនបានសម្រេច ខុសម្ដងថតម្ដង រួចផ្ញើទៅកាន់អ៊ីមែលរបស់ម្ចាស់ទូរសព្ទ។ មិនតែប៉ុណ្ណោះ ក៏មានកាលបរិច្ឆេទ និងផែនទីបញ្ជាក់ច្បាស់អំពីទីតាំងទូរសព្ទកំពុងស្ថិតនៅ។ ដូច្នេះ ម្ចាស់ទូរសព្ទងាយស្រួលតាមរកទូរសព្ទរបស់ខ្លួន និងអាចចាប់ជនល្មើសបាន។

លក្ខណៈសម្បត្តិពិសេសបំផុតរបស់ Lockwatch គឺដំណើរការយ៉ាងស្ងាត់ពុំមានអាការៈអ្វីធ្វើឱ្យចោរដឹងខ្លួនឡើយ ពោលនៅពេលកាមេរ៉ាមុខថតពុំឮសំឡេងឡើយ។ បញ្ជាក់៖ កម្មវិធី lockwatch អាចដំណើរការបាន លុះត្រាទូរសព្ទរបស់អ្នកកំណត់សុវត្ថិភាពនៅពេលបើកសោជាមុនសិន ដែលមានដូចជា Pattern, PIN និង Password ជាដើម។

កម្មវិធីនេះអាចដំណើរការបាននៅលើ Smartphone/Tablet/Phablet មានប្រព័ន្ធប្រតិបត្តិការចាប់ពី Android 4.0.3 ឡើងទៅ។ កំណែប្រែចុងក្រោយគឺ Lockwatch Anti-Theft 1.5.0 ជាមួយទំហំត្រឹមតែ 196KB ប៉ុណ្ណោះ។

តោះកុំឱ្យខាតពេលយូរ មកតាមដាននិងអនុវត្តិទាំងអស់គ្នាតាមជំហានបន្តបន្ទាប់ខាងក្រោម៖

- ដំបូងចូលទៅ Download កម្មវិធីនេះនៅក្នុង Play Store ដែលមាននៅលើ device ដោយឥតគិតថ្លៃ។ ស្វែងរកដោយវាយ Lockwatch នៅក្នុងប្រអប់ search រួចហើយរកមើលឈ្មោះ Lockwatch Anti-Theft។ ឬ ចុចត្រង់នេះ ដើម្បីទាញយក …

- បន្ទាប់មកដំឡើងដោយចុចលើប៊ូតុង Install → Accept។ ក្រោយពីដំឡើងរួច ចុចលើប៊ូតុង Open រួចហើយប្ដូរពី OFF ទៅជា ON វិញ ហើយចុចលើប៊ូតុង Active។ (បញ្ជាក់៖ នៅត្រង់ប្រអប់ Alerts should be sent to ត្រូវបំពេញអ៊ីមែលរបស់អ្នក ដើម្បីឱ្យកម្មវិធីនេះផ្ញើសារមកកាន់គណនី)។

ទន្ទឹមនោះ Sabay សូមបង្ហាញជូនគន្លឹះយ៉ាងងាយស្រួលផ្ដល់សុវត្ថិភាពខ្ពស់ដល់ Android device ដោយអាចធ្វើការបញ្ជាពីចម្ងាយដូចជា ឱ្យរោទ៍ ចាក់សោជាមួយលេខកូដសម្ងាត់ និងលុបទិន្នន័យពីទូរសព្ទដែលបានបាត់តាមសេវាកម្មរបស់ Google គឺ Android Device Manager។

- ដើម្បីប្រើបានគឺតម្រូវឱ្យអ្នកបើកចូលតាម browser រួចចូលទៅ https://www.google.com/android/devicemanager ឬប្រើតាម app ក៏បានដោយ ចុចត្រង់នេះ ដើម្បីទាញយក។ (ចំណាំ៖ នៅពេលចុចតាម link នេះ នឹងតម្រូវឱ្យអ្នក log ចូលគណនី gmail ដូចដែលមាននៅលើ device ដែលបានបាត់)

- ក្រោយពី log បានហើយនោះនឹងបង្ហាញម៉ូដែលទូរសព្ទរបស់អ្នក ព្រមទាំងទីតាំង ពេលវេលា និងចម្ងាយពីទីតាំងដែលអ្នកកំពុងនៅ ធៀបនឹងទីតាំងទូរសព្ទរបស់អ្នកដែលបានបាត់។

- ពិសេសទៀតនោះ មានមុខងារចំនួន ៣ គឺ៖

១. Ring៖ ចុចលើនេះដើម្បីឱ្យទូរសព្ទរបស់អ្នករោទ៍

២. Lock៖ ចុចហើយ តម្រូវឱ្យបញ្ចូល New Password និង Confirm password។ Password នេះជាលេខកូដសម្ងាត់ថ្មីដែលអ្នកអាចបំពេញចូលតាមចិត្ត តែត្រូវជាលេខសុទ្ធ ហើយចាប់ពី១ខ្ទង់ឡើងទៅ។