ទឹកចិត្តបងធម៌ធំធេងពេក ពែកមី អួលដើមក

ទឹកចិត្តបងធម៌ធំធេងពេក ពែកមី អួលដើមក

មិនត្រឹមតែទិញឡានទិញវិឡា និង ប្រមូលបងប្អូន នាយ ពែកមី ឲ្យមករស់នៅជាមួយប៉ុណ្ណោះទេ អ្នកស្រី ផាន សុភ័ក្ក អាណិកជនខ្មែររស់នៅអូស្រ្តាលី និង ជាម្ចាស់សម្អាងការសុខគាបួតា ថ្មីៗនេះ បានយកម្ដាយនាយពែកមី ទៅព្យាបាលនៅក្រៅប្រទេសថែមទៀតផង។ ទឹកចិត្តនេះ បានធ្វើឲ្យពែកមី និយាយទាំងអួលដើមក។

“ម៉ែខ្ញុំគាត់ឈឺច្រើនមុខណាស់ រលាក់ក្រពះផង ពោះវៀនផង មើលពេទ្យស្រុកខ្មែរយើងខ្ញុំមើលអត់ឃើញជំងឺសោះ អត់ដឹងថាគាត់ឈឺអី ខ្ញុំអត់បញ្ចេញឈ្មោះពេទ្យណាទេ”។ មុនចូលឆ្នាំខ្មែរបងស្រីខ្ញុំគាត់នាំម្ដាយខ្ញុំទៅព្យាបាលនៅថៃ បច្ចុប្បន្នគាត់ជាហើយ ខ្ញុំមិនដឹងរកពាក្យអ្វីនិយាយទេ គាត់មានគុណលើខ្ញុំ និងក្រុមគ្រួសារខ្ញុំខ្លាំងណាស់”។ នេះជាការលើកឡើង របស់ នាយពែកមី រៀបរាប់ប្រាប់ Sabay កាលពីពេលថ្មីៗនេះ។

បន្ទាប់ពីព្យាបាលជំងឺម្ដាយមិនជាសះស្បើយ អ្នកស្រី ផាន សុភ័ក្ក ដែលជាបងធម៌នាយពែកមី បានសម្រេចយកម្ដាយរបស់ខ្លួនទៅព្យាបាលនៅប្រទេសថៃ ដោយនៅក្នុងគម្រោង ពែកមីប្រាប់ថា ប្រសិនបើព្យាបាលនៅប្រទេសថៃមិនជាទេនោះ បងធម៌របស់ខ្លួន នឹងយកទៅព្យាបាលនៅ ប្រទេសសាំងហ្គាពួរ។ ប៉ុន្តែ សំណាងល្អបានជាសះស្បើយហើយ បន្ទាប់ពីបានទទួលការព្យាបាល ពីក្រុមគ្រូពេទ្រនៅប្រទេសថៃ ដែលប្រើរយៈពេលតែ៣ថ្ងៃប៉ុណ្ណោះ។ នាយពែកមី បានសង្កត់ធ្ងន់ថា ម្ដាយរបស់នាយធូរច្រើនហើយ ហើយគ្រូពេទ្យ បានផ្សំថ្នាំលេប មិនចាំបាច់ទៅ ព្យាបាលច្រើនថ្ងៃទៀតនោះឡើយ។

ពែកមី បានបន្តថា មិនត្រឹមតែប៉ុណ្ណោះទេ បងធម៌របស់ខ្លួន បាននាំម្ដាយ នាយ ដើរលេង នៅរមណីយដ្ឋានជាច្រើន ក្នុងប្រទេសថៃ ធ្វើឲ្យម្ដាយរបស់នាយសប្បាយចិត្ត ហើយបច្ចុប្បន្នម្ដាយរបស់នាយ មានសុខភាពធម្មតាវិញហើយ។ “ម៉ែខ្ញុំអត់ដែលជិះយន្តហោះទេ បងខ្ញុំ ធ្វើឲ្យម៉ែស្គាល់យន្តហោះ ស្គាល់ស្រុកគេ ឥលូវសាច់ឈាមម៉ែខ្ញុំស្រស់ថ្លាណាស់”។

ពែកមី បានលើកឡើងថា ក្នុងមួយជីវិតនេះ មិនអាចសងគុណបងធម៌របស់ខ្លួនអស់ឡើយ គឺមានគុណធំធេងខ្លាំងណាស់ មិនអាចកាត់ថ្លៃបានឡើយ។ ដើម្បីជាការតបស្នង ពែកមី បានសន្យាថា ភាពស្មោះត្រង់ ការគោរព នាយនឹងបំពេញឲ្យបានល្អជានិច្ច ហើយទៅ ថ្ងៃអនាគត ពេលដែលបងធម៌របស់ខ្លួន ចាស់ជរា នាយធានាមើលថែ ចិញ្ចឹម បីបាច់ មិនឲ្យបងធម៌ខ្លួនទាស់ចិត្តឡើយ៕

ប្រភព Sabay

មុន បន្ទាប់

មតិយោបល់