ដល់ពេលត្រកូលស៊ីននាំបទចម្រៀងអធិរាជសំឡេងមាសទៅ ចុះកម្មសិទ្ធិបញ្ញាហើយ!

ដល់ពេលត្រកូលស៊ីននាំបទចម្រៀងអធិរាជសំឡេងមាសទៅ ចុះកម្មសិទ្ធិបញ្ញាហើយ!

បទចម្រៀងអធិរាជសំឡេងមាស លោក ស៊ីន ស៊ីសាមុត ចំនួន ១៨១ បទត្រូវបាននាំយកទៅចុះកម្មសិទ្ធិបញ្ញានៅនាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្ម ដោយសមាគមស៊ិនស៊ីមុត កាលពីព្រឹកមិញនេះ ខណៈបទចម្រៀងរបស់ លោក ស៊ិន ស៊ីសាមុត ជាច្រើនបទ កំពុងត្រូវបានផលិតកម្ម ក្នុងស្រុកយកទៅប្រគំ និងច្រៀងដោយអ្នកចម្រៀងថ្មី។

នៅឯទីស្តីការក្រសួងពាណិជ្ជកម្ម ដែលមានវត្តមានទាំងលោក យាយភរិយាលោក ស៊ីន ស៊ីសាមុត ផងនោះគឺបានទទួលការស្វាគមន៍យ៉ាងកក់ក្ដៅពីសំណាក់ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម ឯកឧត្ដម ស៊ុន ចាន់ថុល លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងចិត្រសិល្បៈ។

Copy-right-for-Sin-Sisamoth5

ឯកឧត្ដម ស៊ុន ចាន់ថុល រដ្ឋមន្ត្រីក្រសួងពាណិជ្ជកម្មបាន បានសន្យាធ្វើការពិនិត្យឲ្យបានគ្រប់ជ្រុងជ្រោយ ជាមួយ នឹងក្រសួងវប្បធម៌ និងវិចិត្រសិល្បៈមុននឹងធ្វើការចុះបញ្ជីបទចម្រៀងទាំងនោះ ក្នុងកម្មសិទ្ធិបញ្ញា។

បើតាមឯកឧត្ដម រដ្ឋមន្ត្រី នេះគឺជាការបោះជំហានមួយ ដើម្បីទប់ស្កាត់មិនឲ្យមានការរំលោភកម្មសិទ្ធិទៅបទចម្រៀងរបស់សិល្បករពីជំនាន់មុន។ បច្ចុប្បន្ន កម្ពុជាមានច្បាប់ស្តីពីកម្មសិទ្ធិបញ្ញាយ៉ាងណាក៏ដោយ។ ប៉ុន្តែគ្រប់យ៉ាងត្រូវសិក្សាឲ្យបានម៉ត់ចត់ជាមុន។

Copy-right-for-Sin-Sisamoth

Copy-right-for-Sin-Sisamoth7

លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានបានទទួលស្គាល់ថា សមាគម ស៊ីន ស៊ីសាមុតបានដាក់សំណើនេះម្ដងហើយមកក្រសួងវប្បធម៌ និងវិចិត្រសិល្បៈ។ ប៉ុន្តែអ្វីៗគឺត្រូវចំណាយពេល ដោយសារឯកសារមួយចំនួនធំ គឺត្រូវបានបាត់បង់ ពេលកម្ពុជាធ្លាក់ ក្នុងសម័យសង្គ្រាម។

លោកជំទាវរដ្ឋមន្ត្រីបានបន្ថែមថា មានរូបភាពជាច្រើន ដែលគ្រួសារអធិរាជសំឡេងមាសទទួលបាន និងមានទំហំធំជាងប្រាក់កាស ប្រសិនបើបទចម្រៀង របស់ លោក ស៊ីន ស៊ីសាមុត ត្រូវបានចុះ ក្នុងបញ្ជីកម្មសិទ្ធិបញ្ញា ក្នុងនោះមានខាងផ្លូវឧត្ដមគតិ និងកេរ្តិ៍ឈ្មោះ ក្នុងវិស័យសិល្បៈ ដល់កូនចៅជំនាន់ក្រោយ។

លោក ស៊ីន ច័ន្ទឆាយ៉ា ប្រធានសមាគមស៊ីន ស៊ីសាមុត បានថ្លែងអំណរគុណដល់រដ្ឋមន្ត្រីក្រសួងពាណិជ្ជកម្ម និងរដ្ឋមន្ត្រីក្រសួងវប្បធម៌ និងវិចិត្រសិល្បៈ ដែលបានគាំទ្រ និងសន្យាជំរុញឲ្យមានការចុះបញ្ជី ក្នុងកម្មសិទ្ធិបញ្ញាបានឆាប់។ លោកថា មិនមែនមានតែជិត ២០០ បទនេះទេ ដែលត្រូវស្នើឲ្យចុះជាកម្មសិទ្ធិបញ្ញា គឺនៅមានច្រើនបទទៀត។

លោកបានបន្ថែមថា ការយកចម្រៀង ពីជំនាន់មុន ដោយគ្មានការអនុញ្ញាត គឺជាការរំលោភសិទ្ធិធ្ងន់ធ្ងរបំផុត។

ទោះយ៉ាងណា ឯកឧត្ដម ស៊ុន ចាន់ថុល រដ្ឋមន្ត្រីក្រសួងពាណិជ្ជកម្មបានបានបន្ថែមទៀត ក្នុងនាមអ្នកស្រលាញ់ ចូលចិត្តបទចម្រៀង លោក ស៊ីន ស៊ីសាមុត ក្រសួងពាណិជ្ជកម្ម និងក្រសួងវប្បធម៌ និងវិចិត្រសិល្បៈបានឯកភាពគ្នាបង្កើតកម្មវិធីដន្ត្រីសប្បុរសធម៌មួយនៅឆ្នាំក្រោយ ក្នុងគោលបំណងរម្លឹកដល់គុណូបការៈ និងប្រមូលថវិកាជួយដល់គ្រួសារ របស់លោក ស៊ីន ស៊ីសាមុត ដែលកំពុងជួបការលំបាក។

កម្មវិធីនេះអាចនឹងធ្វើចំថ្ងៃបុណ្យទិវាសិទ្ធិនារីអន្តរជាតិ ឆ្នាំក្រោយ។ “នេះគឺជាពេលវេលាមួយ ដែលយើងត្រូវបរិច្ចាគ ដល់លោក ស៊ីន ស៊ីសាមុត ខណៈលោកបានបំពេអារម្មណ៍យើងជាច្រើនឆ្នាំមកហើយនោះ”។ ឯកឧត្ដម ស៊ុន ចាន់ថុល បន្ថែម៕

ប្រភព Sabay

មុន បន្ទាប់

មតិយោបល់