ភ្នំពេញ ៖ មានការភ្ញាក់ផ្អើល ពីសំណាក់ ប្រជាពលរដ្ឋ ដែលធ្វើដំណើរ តាមដងផ្លូវក្បែរ ក្រសួង ការពារជាតិ បាននាំគ្នា ចោម រោមមើល សពស្ដ្រី ចំណាស់ម្នាក់ ត្រូវបានគេ ទម្លាក់ចេញ ពីរថយន្ដ តួរីស ១២កៅអី នៅត្រង់ សួនច្បារ មុខហាង កាហ្វេមួយកន្លែង ដោយ ដំបូងពួក គាត់គិតថា អាចជាអំពើ ឃាតកម្មហើយត្រូវ បានគេយកមក ទម្លាក់ចោល ។ ប៉ុន្ដែក្រោយ ពីសមត្ថកិច្ចចុះ ទៅកាន់កន្លែង កើតហេតុសួរ នាំ ទើបដឹងថា សពស្ដ្រីរងគ្រោះ ដែលស្លាប់ នេះ មិនមែនជាអំពើ ឃាតកម្ម នោះឡើយ ពោលកើតឡើង ដោយសារ ជំងឺរ៉ាំរ៉ៃប៉ុណ្ណោះ ហើយម្ចាស់ រថយន្ដតួរីស ដែលដឹកជនរង គ្រោះទៅ កាន់មន្ទីរ ពេទ្យឯកជន ប៉ុន្ដែស្លាប់ តាមផ្លូវ ក៏ឈប់រថយន្ដ បោះសព ចោលខ្លាច ស៊យ ។

យោងតាមប្រភពព័ត៌មានពីសមត្ថកិច្ច ខណ្ឌ៧មករា ដែលបានចុះទៅពិនិត្យសពនៅ នឹងកន្លែង កើតហេតុនោះ បាននិយាយថា សពស្ដ្រីរងគ្រោះ ឈ្មោះទី សារ៉េត អាយុ៦៥ ឆ្នាំ រស់នៅ ឃុំទូកមាស ស្រុកទូកមាស ខេត្ដ កំពត ហើយមាន ជំងឺរ៉ាំរ៉ៃ ត្រូវបាន សាច់ញាតិ របស់ខ្លួនដឹក យកមកព្យាបាល នៅមន្ទីរពេទ្យ កាល់ម៉ែត ។ ពេលជនរងគ្រោះ ដឹកទៅព្យា បាលនៅមន្ទីរពេទ្យ កាល់ម៉ែតនោះ ត្រូវបាន គ្រូពេទ្យប្រាប់ថា គ្មានសង្ឃឹម នោះឡើយ ព្រោះតែស្ថានភាព របស់អ្នកជំងឺ មានសភាព ធ្ងន់ធ្ងរ ដូច្នេះមាន តែត្រៀមរៀប ចំពិធីបុណ្យ នៅឯស្រុក កំណើតទៅ ។ ដោយសារតែមិន អស់ចិត្ដ និងសំដី របស់គ្រូពេទ្យ ហើយចង់ ព្យាបាល ម្ដាយរបស់ខ្លួន កូនៗនិងសាច់ញាតិ ទាំងឡាយបាន សម្រេចចិត្ដ ជួលរថយន្ដតួរីស នៅក្បែរមន្ទីរពេទ្យ ដឹកជនរងគ្រោះ ឆ្ពោះទៅ កាន់មន្ទីរពេទ្យ វិសាលសុខ ដើម្បីព្យាបាល នៅទីនោះ ។

ប្រភពព័ត៌មានពីសមត្ថកិច្ចបានបញ្ជាក់ ទៀតថា ខណៈដែលរថយន្ដដឹកជនរងគ្រោះ ដល់ត្រង់ ចំណុចសួន ច្បារក្បែរ ក្រសួងការពារ ជនរងគ្រោះ បានដាច់ ខ្យល់ស្លាប់នៅលើរថយន្ដ ជាហេតុធ្វើ ឱ្យម្ចាស់ រថយន្ដគិតថា នាំស៊យ ដល់ខ្លួន ក៏ឈប់ ហើយដាក់ សាកសពចុះទុក ឱ្យសាច់ញាតិ រកមធ្យោបាយផ្សេង ដឹកទៅ កាន់ស្រុកកំណើតទៅ ។

ក្រោយពីទម្លាក់សាកសពរួចមក ម្ចាស់ រថយន្ដតួរីសបានបើករថយន្ដទៅបាត់ ហើយ នៅកន្លែង កើតហេតុ នោះ បានធ្វើឱ្យ មានការ ភ្ញាក់ផ្អើលដល់ប្រជាពលរដ្ឋ ទៅ ចោមរោម មើលពីព្រោះ គិតថា អាចជាអំពើ ឃាតកម្ម ប៉ុន្ដែធាតុពិត មិនដូច្នេះឡើយ ។ ដោយសារ តែមានការ អាណិតអាសូរ សាច់ញាតិជនរង គ្រោះ មន្ដ្រីយោធាក្រសួង ការពារជាតិបាន បញ្ចេញ រថយន្ដរបស់ខ្លួន ដឹកសពស្ដ្រីវ័យចំ ណាស់រូបនេះ ឆ្ពោះទៅកាន់ ស្រុកកំណើត ដើម្បីរៀបចំ ធ្វើបុណ្យតាមប្រពៃណី ៕

ផ្តល់សិទ្ធដោយ ដើមអម្ពិល