ប៉ៃលិន៖ សាខាកាំកុងត្រូល ខេត្តប៉ៃលិន សហការជាមួយ មន្ទីរពាណិជ្ជកម្មខេត្ត ចុះធ្វើកិច្ចសន្យា ផ្តិតមេដៃ ព្រមានតាមនីតិវិធីច្បាប់ ចំពោះម្ចាស់ លក់គ្រឿងសមុទ្រក្លាស្សេ លាយសារធាតុគីមី Formalin នាំចូលមកពីប្រទេសថៃ ។

ប្រតិបត្តិការនេះ កាលពីថ្ងៃទី២៣ ខែមេសា ឆ្នាំ២០១៥ ក្រោយការដឹកនាំកម្លាំង សមត្ថកិច្ចជំនាញ ដោយលោក សាន វិជ្ជាសារ៉ាវុធ ប្រធានសាខា កាំកុងត្រូលខេត្ត ប៉ៃលិន និងមន្ត្រីចូលរួម ជាច្រើនរូបផងដែរ។ លោក សាន វិជ្ជាសារ៉ាវុធ ប្រធានសាខា កាំកុងត្រូលខេត្ត ប៉ៃលិន បានថ្លែងថា ក្រោយពីកម្លាំង មន្ត្រីជំនាញ របស់យើងបានសហការ ជាមួយមន្ត្រីផ្សេងទៀត កាលពីកន្លងមកនេះ និងបានប្រមូល យកទំនិញ និងគ្រឿងសមុទ្រ ក្លាស្សេផ្សេងទៀត យកទៅបន្ទប់ពិសោធន៍ នៅឯរាជធានីភ្នំពេញ ក្រោយពីពិសោធន៍ រួចរាល់ បានចេញលទ្ធផល អវិជ្ជមានផងដែរ។

លោកបន្តថា អ្វីដែលប៉ះពាល់ ដល់សុខភាពខ្លាំងនោះ គឺប្រភេទគ្រឿងសមុទ្រ ក្លាស្សេគឺ មឹកតែម្តង សមុទ្រ ក្លាស្សេលាយ សារធាតុគីមី Formalin នាំចូលមកពីប្រទេសថៃ វាធ្វើប៉ះពាល់ សុខភាពខ្លាំងជាងគេ ទោះបី ជាយើងយកទៅ បរិភោគបាន តែធាតុគីមីនេះវាមិន ទាន់ដំណើរការ នៅឡើយទេ វាបានសម្ងំនៅក្នុង សរីរាង្គកាយ របស់យើងរហូត លុះត្រាអង់ឌីគ័រ របស់យើងចុះខ្សោយភ្លាម សារធាតុគីមី នោះវានិងដំណើរការ រហូតស្លាប់ បាត់បង់អាយុជីវិត យើងតែម្តង ។

លោកបានបញ្ជក់ថា ប្រសិនជាក្នុងសប្តាហ៍នេះ អាជីករទាំងអស់ នៅក្នុងផ្សារប៉ាហ៊ី បន្តនាំយកគ្រឿង សមុទ្រក្លាស្សេ លាយសារធាតុគីមី Formalin ទៀតលោកនិង ចាប់ឃាត់ខ្លួន និងបញ្ជូនទៅតុលាការ តែម្តង តែចំពោះថ្ងៃនេះកម្លាំង សមត្ថកិច្ចយើងគ្រាន់តែ ធ្វើការណែនាំ និងធ្វើលិខិតបញ្ឈប់ សកម្មភាពតែប៉ុណ្ណោះ។

ក្នុងនោះសមត្ថកិច្ចជំនាញ បានរកឃើញទំនិញ និងគ្រឿងសមុទ្រក្លាស្សេ ដែលធ្វើឲ្យ ប៉ះពាល់សុខភាព ធ្ងន់ធ្ងរបំផុត នៅផ្សារប៉ាហីុ ខេត្តប៉ៃលិន និងត្រួតពិនិត្យគុណភាព សុវត្ថិភាពផលិតផលម្ហូប អាហារនៅផ្សារ ប៉ាងរលឹម ដកហូតផលិតផល ទំនិញហួសកាលបរិច្ឆេទ ប្រើប្រាស់រួមមាន ៖ ទឹកក្រូច Fanta ៤ដប ទឹកម្ទេស ១៩ដប ប៊រកំប៉ុង ១៥ អូរវ៉ាល់ទីន ៣ដប ទឹកត្រី ៣ដប ប្រេងខ្យង ១១ដប ទឹកក្រូច កូកា ១៥ដប ដើម្បីយកមករក្សា ទុកចាត់ចែងតាម នីតិវិធីច្បាប់៕

ផ្តល់សិទ្ធដោយ ដើមអម្ពិល