ទៅដល់ណាក៏បង្កបញ្ហា Justin Bieber ទៅដល់បារាំងរងការរិះគន់ចាស់ដៃ

ទៅដល់ណាក៏បង្កបញ្ហា Justin Bieber ទៅដល់បារាំងរងការរិះគន់ចាស់ដៃ

តារាចម្រៀងវ័យក្មេងពូកែបង្កបញ្ហា Justin Bieberបានទទួលរងការរិះគន់យ៉ាងចាស់ដៃពីសំណាក់សារព័ត៌មានក្នុងការបង្ហាញវត្តមាននៅទឹកដីបារាំង ដោយសារតារារូបនេះតុបតែងខ្លួនមិនសមរម្យ។

ឆ្នាំនេះ Bieber មានអាយុ២០ឆ្នាំ មិនមែនកូនក្មេងដូចមុនទេ ដូច្នេះពិតជាមានការផ្លាស់ប្ដូរច្រើន តែអ្វីដែលប្រិយមិត្តអ្នកគាំទ្រមើលឃើញយ៉ាងច្បាស់នោះគឺរូបសាក់ដែលជាអ្វីដែលតារាក្មេងរូបនេះនិយមចូលចិត្តបំផុត។

ពេលទៅធ្វើការនៅទីក្រុងកាន ប្រទេសបារាំង ខណៈឈប់សម្រាកតារារូបនេះបានធ្វើឲ្យអ្នកគាំទ្រពិសេសស្រីៗកាន់តែលង់នឹងគេថែមទៀតដោយសារតែគេបានដោះអាវបញ្ចេញរូបសាក់ពិសេសរោមពោះតែម្ដង។

រូបភាពដោះអាវរបស់គេត្រូវបានចុចចូលចិត្ត និងចែកចាយបន្តគា្នយ៉ាងច្រើនពីសំណាក់អ្នកលេងបណ្ដាញសង្គម។ មិនតែប៉ុណ្ណោះរូបភាពរបស់គេក៏ត្រូវបានយកទៅកាត់តពង្រីកដើម្បីអើយបានមើលឃើញរូបភាពកាន់តែច្បាស់ថែមទៀតផង។

បើទោះជារងការរិះគន់ពីសំណាក់អ្នកកាសែតក៏ដូចជាអ្នកដែលមិនគាំទ្ររូបគេក្ដី ក៏នៅតែមានអ្នកគាំទ្ររបស់គេជាច្រើនទៀតបានចេញមកដោះសារឲ្យ Bieber ថាមិនមែនជាកំហុសតារាវ័យក្មេងឡើយ ព្រោះពេលនោះមិនមែនជាម៉ោងធ្វើការ គឺជាពេលសម្រាកលំហែផ្ទាល់ខ្លួន ប៉ុន្តែអ្នកកាសែត និងអ្នកគាំទ្រទេដែលខុសសម្រុកទៅរកគេនោះ។

ក្រោយពីរូបភាពរបស់អ្នកចម្រៀងស្រស់សង្ហាត្រូវបានចែកចាយលើបណ្ដាញសង្គម Twitter ក៏មានអ្នកចូលមកបញ្ចេញមតិយោបល់ជាច្រើនដែលសុទ្ធសឹងតែចងបានរោមពោះ Bieber ទៅរក្សាទុកគ្រប់ៗគ្នា។ មុននេះនៅលើសង្គមអនឡាញក៏ធ្លាប់មានដាក់លក់រោមរបស់គេក្នុងតម្លៃថ្លៃផងដែរ៕