ភ្នំពេញ៖ ករណីវាយប្លន់ បានសំរេចមួយបានកើតឡើង កាលពីវេលា ម៉ោង០០៖៤០នាទីយប់ ចូលថ្ងៃទី១៣ ខែសីហា ឆ្នាំ២០១៥ នៅមុខអគ្គធិការដ្ឋាន ពុទ្ធិកសិក្សាជាតិ ស្ថិតក្នុងសង្កាត់ចតុមុខ ខណ្ឌដូនពេញ ដែលបង្កឲ្យបុរសម្នាក់ រងរបួសធ្ងន់ ។

បើតាមសាក្សីដែលបានឃើញហេតុការណ៌ បានឲ្យដឹងថា នៅវេលាម៉ោងខាងលើ គេឃើញបុរស ជារងគ្រោះជិះម៉ូតូ ម្នាក់ឯង  តាមផ្លូវ ព្រះស៊ីសុវត្ថិ លុះជិះមកដល់មុខ អគ្គធិការដ្ឋានពុទ្ធិកសិក្សាជាតិ ស្រាប់តែមានជនសង្ស័យ ៤នាក់ ជិះម៉ូតូ២គ្រឿង ម៉ាក Nex ពណ៌ស នឹង Dream សង់ពណ៌ខ្មៅ បានវាយជនរងគ្រោះ ពីក្រោយ បណ្តលឲ្យដួលរង របួសធ្ងន់ធ្ងរ រួប្លន់យកម៉ូតូទៅបាន ដោយសុវត្ថិភាព ។

សាក្សីបានបន្តទៀតថា បន្ទាប់ពីម្ចាស់ម៉ូតូរងរបួសធ្ងន់ធ្ងរ ហើយនោះ ជាឱកាសល្អសម្រាប់ជនសង្ស័យ យកម៉ូតូរបស់ជនរងគ្រោះ ជិះគេចដោយសុវត្ថិភាព៕

ផ្តល់សិទ្ធដោយ ដើមអម្ពិល