ភ្នំពេញ៖ យ៉ាងហោចណាស់មានមនុស្ស១០នាក់ បានស្លាប់ ១៩នាក់រងរបួសធ្ងន់ និង១១នាក់រងរបួសស្រាល ក្នុងហេតុការណ៍គ្រោះថ្នាក់ ចរាចរណ៍ទូទាំងប្រទេស ថ្ងៃទី២៩ ខែសីហា ឆ្នាំ២០១៥ម្សិលមិញ នេះបើតាមការចុះផ្សាយ របស់គេហទំព័រ អគ្គស្នងការនគរបាលជាតិ។

ប្រភពព័ត៌មានដដែលបញ្ជាក់ទៀតថា ក្នុងគ្រោះថ្នាក់ចរាចរណ៍ទាំង ២២លើកនេះ (យប់១២) បានបង្កឲ្យខូចខាតយានយន្តសរុប៣៥គ្រឿង ក្នុងនោះមានម៉ូតូចំនួន២៥៨គ្រឿង, រថយន្តធុនតូច៤១គ្រឿង និងរថយន្តធុនធំ៤២គ្រឿង យានផ្សេងៗ២គ្រឿង និងអ្នកថ្មើរជើង២នាក់ ហើយមូលហេតុដែលបណ្តាលឲ្យ មានគ្រោះថ្នាក់រួមមាន ល្មើសល្បឿន៨លើក, ស្រវឹង១លើក, ប្រជែងគ្រោះថ្នាក់៤លើក, មិនប្រកាន់ស្តាំ ៦លើក, បត់គ្រោះថ្នាក់១លើក។

ជាមួយគ្នានេះដែរ នៅថ្ងៃទី២៩ ខែសីហាម្សិលមិញនេះ នគរបាលចរាចរណ៍ បានធ្វើការផាកពិន័យរថយន្តសរុបចំនួន ៨៧៦គ្រឿង (រថយន្តធំ៣២៧៩គ្រឿង) ស្មើនឹង ៩០២ករណី, ល្មើសក្រដាសស្នាមមាន ៦៥២គ្រឿង ស្មើនឹង ៦៥៩ករណី, ចំពោះករណីល្មើសបច្ចេកទេស ២២៤គ្រឿង ស្មើនឹង ២៤៣ករណី ដោយឡែកម៉ូតូត្រូវបានពិន័យសរុបចំនួន ១,៧០២គ្រឿង ៕

ផ្តល់សិទ្ធដោយ ដើមអម្ពិល