ស្គាល់អត្តសញ្ញាណសព ដែលត្រូវឃាតករ សម្លាប់ច្រកបាវហើយ (Update)

ស្គាល់អត្តសញ្ញាណសព ដែលត្រូវឃាតករ សម្លាប់ច្រកបាវហើយ (Update)

(Update) ខេត្តកំពង់ចាម ៖ សេចក្តីរាយការណ៍បានឱ្យដឹងថា គិតត្រឹមវេលាព្រឹកថ្ងៃ ទី២៩ សីហា ២០១៥ នេះ សពបុរសម្នាក់ ដែលត្រូវឃាតករ រឹត.កសម្លាប់ច្រកបាវ ត្រូវបានសមត្ថកិច្ច ស្រាវជ្រាវស្គាល់ អត្តសញ្ញាណហើយ ដោយសង្ស័យថា អាចជាករណីប្លន់សម្លាប់។

ប្រភពបានឱ្យដឹងថា ជនរងគ្រោះមានឈ្មោះលី រ៉ាវុទ្ធ អាយុ២៣ឆ្នាំ ត្រូវគេដឹងថា ជិះម៉ូតូឌ្រីម C125 មួយគ្រឿង និងមានទូរស័ព្ទដៃ អាយហ្វូនមួយ គ្រឿងទៀត តែត្រូវបាត់បង់អស់ ។

ផ្ដល់សិទ្ធដោយ៖ កោះសន្ដិភាព

(ព័ត៌មានចាស់) ខេត្តត្បូងឃ្មុំ ៖ បុរសមិនស្គាល់អត្តសញ្ញាណម្នាក់ មានវ័យប្រហែលពី២៥ ទៅ៣០ឆ្នាំ ត្រូវបានគេ សម្លាប់ដ៏ឃោរឃៅដោយមានស្នាម ចាក់លើរាងកាយ ហើយយកទៅ ច្រកក្នុងបាវ រួចដឹកតាម រថយន្ត១គ្រឿងមកទម្លាក់ ចោលនៅត្រង់ដីរបស់ ប្រជាពលរដ្ឋម្នាក់ ស្ថិតក្នុងភូមិទ្រៀក ឃុំមេមង់ ស្រុកមេមត់ ។

ហេតុការណ៍នេះ បង្កឱ្យមានការភ្ញាក់ផ្អើលកាលពីវេលាម៉ោង០៥ និង៣០នាទីល្ងាចថ្ងៃទី២៨ សីហា ២០១៥ ដោយមិនទាន់ស្គាល់ អត្តសញ្ញាណទេ ចំណែកក្រុម ឃាតករវិញមិនដឹងជាមាន ប្រភពចេញមក ពីណាដែរ ។

លោកឧត្តមសេនីយ៏ត្រី ម៉ៅ ពៅ ស្នងការនគរបាលខេត្តបានឲ្យដឹងថា ប្រជាពលរដ្ឋម្នាក់ បានរាយការណ៍មកសមត្ថកិច្ចមូលដ្ឋាន ក្រោយពីបានប្រទះ ឃើញបាវមួយ ត្រូវបានគេយក មកបោះចូលនៅក្នុងបរិវេណ ដីរបស់គាត់សង្ស័យសព មនុស្សក្នុងនោះ។ លុះពេលដែលកម្លាំង សមត្ថកិច្ចជាច្រើននាក់ បានចុះទៅពិនិត្យមើល វះបាវនោះ ស្រាប់តែប្រទះឃើញ សពបុរសមិនស្គាល់ អត្តសញ្ញាណរុំដោយ អង្រឹងថែមទាំងមាន ស្នាមចាក់លើ រាងកាយថែមទៀត ។