ពិធីប្រកាសតែងតាំងចូលកាន់មុខតំណែងប្រធានមន្ទីរអភិវឌ្ឍជនបទខេត្តកំពង់ធំ

ពិធីប្រកាសតែងតាំងចូលកាន់មុខតំណែងប្រធានមន្ទីរអភិវឌ្ឍជនបទខេត្តកំពង់ធំ

ខេត្តកំពង់ធំ ៖ លោក សួស គង់ រដ្ឋលេខាធិការក្រសួងអភិវឌ្ឍជនបទនៅរសៀលថ្ងៃទី២៦ ខែមិថុនា ឆ្នាំ២០១៤ បានអញ្ជើញជាអធិបតីក្នុងពិធីប្រកាសតែងតាំងចូលកាន់មុខតំណែងប្រធានមន្ទីរអភិវឌ្ឍជនបទខេត្តកំពង់ធំ នៅក្នុងសាលប្រជុំខេត្តអាគារ(B) ដោយមានការចូលរួមពីមន្ត្រីរាជការសរុបជិត២០០នាក់។

បន្ទាប់ពីបានស្តាប់នូវសេចក្តីសម្រេច របស់ក្រសួងអភិវឌ្ឍជនបទស្តីពីការប្រកាសចូលកាន់តំណែងប្រធានមន្ទីរអភិវឌ្ឍជនបទខេត្តកំពង់ធំ រួចមក លោក មុំ ចែម ប្រធានមន្ទីរអភិវឌ្ឍជនបទខេត្តដែលទើបនិងប្រកាសតែងតាំងចូលកាន់មុខតំណែងថ្មី បានឡើងធ្វើការប្តេជ្ញាចិត្តថា ទី១.ស្មោះត្រង់ជានិច្ចចំពោះ ជាតិសាសនា ព្រះមហាក្សត្រ ទី២.ប្តេជ្ញាពង្រឹងសាមគ្គីភាពផ្ទៃក្នុង ទី៣.ប្តេជ្ញាប្រតិបត្តិតាមការដឹកនាំរបស់រាជរដ្ឋាភិបាល ទី៤. ប្តេជ្ញាបំរើជាតិមាតុភូមិ និងបំរើប្រជាពលរដ្ឋឲ្យអស់ពីសមត្ថភាពរបស់ខ្លួនទី៥.ខិតខំធ្វើការអភិវឌ្ឍឲ្យបានល្អប្រសើរក្នុងភូមិសាស្ត្រក្នុងខេត្តកំពង់ធំ។

លោក អ៊ុត សំអន អភិបាលខេត្តកំពង់ធំ ឆ្លៀតពេលវេលាដ៏មានតំលៃក្នុងពិធីប្រកាសតែងតាំងចូលកាន់មុខតំណែងរបស់ប្រធានមន្ទីរអភិវឌ្ឍជនបទខេត្តខេត្តកំពង់ធំ មានប្រសាសន៍ផ្តាំផ្ញើរថាសូមឲ្យ លោកមុំ ចែម ប្រធានមន្ទីរអភិវឌ្ឍជនបទខេត្តដែលទើបនិងប្រកាសចូលកាន់មុខតំណែងថ្មី ជំនួសលោក ឈួ សុធា ដែលត្រូវផ្លាស់ប្តូរតួនាទីទៅបំពេញភារកិច្ចនៅក្រសួងអភិវឌ្ឍជនបទនោះ ត្រូវយកចិត្តទុកដាក់ចំពោះ ការងារ ត្រូវរក្សាសាមគ្គីភាពផ្ទៃក្នុងឲ្យបានល្អប្រសើរ។

ពិធីប្រកាសតែងតាំងចូលកាន់មុខតំណែងប្រធានមន្ទីរអភិវឌ្ឍជនបទខេត្តកំពង់ធំ