បញ្ជូនខ្លួនជាតិជាតិអង់គ្លេសម្នាក់ទៅតុលាការ ពាក់ព័ន្ធករណីទិញពេស្យាចារកុមារ និងប្រព្រឹត្តអំពើអាស

បញ្ជូនខ្លួនជាតិជាតិអង់គ្លេសម្នាក់ទៅតុលាការ ពាក់ព័ន្ធករណីទិញពេស្យាចារកុមារ និងប្រព្រឹត្តអំពើអាស

រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ កាលពីព្រឹកថ្ងៃទី ២៦ មិថុនា ២០១៤ បានបញ្ជួនជនជាតិអង់គ្លេសម្នាក់ទៅសាលាដំបូង ពាក់ពន្ធករណីទិញពេស្យាចារកុមារ និងប្រព្រឹត្តអំពើអាស លើអនិតិជនអាយុក្រោម១៥ឆ្នាំ ឱ្យតំណាងអយ្យការធ្វើការសាកសួរ និងចោទប្រកាន់ជាផ្លូវការ ដើម្បីឱ្យចៅក្រមសម្រេចឃុំខ្លួនដាក់ពន្ធនាគារជាបណ្តោះអាសន្ត ។

ប្រភពបានឱ្យដឹងថា ជនជាតិអង់គ្លេសរូបនោះឈ្មោះ Michael Glyn Jones អាយុ៥៤ឆ្នាំ ជាគ្រូបង្រៀន ស្នាក់នៅសណ្ឋាគាររីវើផាលេស ស្ថិតក្នុងសង្កាត់ទួលសង្កែ ខណ្ឌឬស្សីកែង រាជធានីភ្នំពេញ ចូលមកកម្ពុជាជាភ្ញៀវទេសចរ ។

គួរបញ្ជាក់ថា កាលពីព្រឹកថ្ងៃទី២៤ មិថុនា ២០១៤ កន្លងមក ត្រូវសមត្ថកិច្ចនគរបាលការិយាល័យប្រឆាំងការជួញដួរមនុស្ស និងការពារអនីតិជនរាជធានីភ្នំពេញ បានធ្វើការឃាត់ខ្លួនជនជាតិអង់គ្លេសមា្នក់នេះ នៅចំណុចចំណតរថយន្តមុខផ្សារអូឡាំពិក ក្នុងសង្កាត់អូឡាំពិក ខណ្ឌចំការមន ពាក់ព័ន្ធលើពាក្យបណ្តឹងរបស់ជនរងគ្រោះចំនួន៦នាក់ ដែលចោទថា ជនជាតិអង់គ្លេសរូបនេះ បានប្រព្រឹត្តបទល្មើសកន្លងទៅ ។