ភ្នំពេញៈ ការិយាល័យ ផ្លូវគោក នៃស្នងការដ្ឋាននគរបាល រាជធានីភ្នំពេញ នៅល្ងាចថ្ងៃទី២៩ ខែកញ្ញា ឆ្នាំ២០១៥ នេះ បានបញ្ជូនខ្លូន បុរសម្នាក់ ដែលជាអ្នកបើកររថយន្តស៊េរីទំនើប BMW បុករះម៉ូតូ និងរថយន្តចំនួន៥គ្រឿង  រួមទាំងបណ្តាលឲ្យបុរសម្នាក់ស្លាប់ និង២នាក់ទៀតរងរបួសធ្ងន់ កាលពីថ្ងៃទី ២៧ ខែកញ្ញា ឆ្នាំ២០១៥ ក្នុងទឹកដីខណ្ឌសែនសុខនោះទៅតុលាការ ដើម្បីបន្តការ សួរនាំ និងចាត់ការទៅតាមនីតិវិធីច្បាប់ ។

លោក សែម គន្ធា នាយរងការិយាល័យចរាចរផ្លូវគោក រាជធានីភ្នំពេញ បានថ្លែងប្រាប់ មជ្ឈមណ្ឌលព័ត៌មានដើមអម្ពិលឲ្យដឹងថា "នៅល្ងាចនេះល្ងាចនេះ យើងបានបញ្ជូនអ្នកបើករថយន្ត BMW ទៅតុលាការហើយ ពីបទបង្កគ្រោះថ្នាក់ចរាចរ បណ្តាលឲ្យមាន អ្នកស្លាប់និងរងរបួស រួមទាំងខួចខាត់រថយន្ត និងម៉ូតូ ដើម្បីបន្តការសួរនាំ និងដោះស្រាយតាមនីតិវិធីច្បាប់"។

សូមបញ្ជាក់ថា នៅវេលា ម៉ោងជាង៩យប់ ថ្ងៃទី២៧ ខែកញ្ញា ឆ្នាំ២០១៥ ស្ថិតនៅតាមបណ្ដោយ ផ្លូវលេខ១៩៨៦ មុខហាងប៉ៃតងស្រស់ សង្កាត់ភ្នំពេញថ្មី ខណ្ឌសែនសុខ មានគ្រោះថ្នាក់ចរាចរមួយបានកើត បង្កឡើងដោយបុរសម្នាក់ បើករថយន្ដម៉ាក BMW ពាក់ស្លាកលេខ ភ្នំពេញ 2AE-9986 បង្ក គ្រោះថ្នាក់ចរាចរណ៍ បុករះរថយន្ដនិងម៉ូតូ ចំនួន៥គ្រឿង បណ្ដាលឱ្យយុវជនម្នាក់ ស្លាប់ ភ្លាមៗនៅ នឹងកន្លែងកើតហេតុ ម្នាក់រងរបួស ធ្ងន់និងបុរសសន្ដិសុខម្នាក់ទៀតរងរបួស ស្រាល។

បុរសដែលបើករថយន្តបង្កគ្រោះថ្នាក់ខាងលើមានឈ្មោះ ផល្លា ឧត្តម ភេទប្រុស អាយុ២៨ឆ្នាំ មានទីលំនៅផ្លូវលេង ៤៣ ផ្លូវលេខ ១១១ សង្កាត់បឹងព្រលិត ខណ្ឌ៧មករា។ ចំណែកជនរងគ្រោះមានឈ្មោះ ១-សែម សំអាត ភេទប្រុស អាយុ២៧ឆ្នាំ រស់នៅស្រុកបាទី ខេត្តតាកែវ ២- ធន់ បញ្ញា ភេទប្រុស អាយុ២៦ឆ្នាំ មានទីលំនៅ ស្រុកកំពង់ត្របែក ខេត្តស្វាយរៀង៕

ផ្តល់សិទ្ធដោយ ដើមអម្ពិល