ម្តាយពិការជើងទាំងសងខាងវ័យ ៨៦ ឆ្នាំចាញ់ក្តី កូនស្រីវ័យ ៥៣ឆ្នាំ (មានវីដេអូ)

ម្តាយពិការជើងទាំងសងខាងវ័យ ៨៦ ឆ្នាំចាញ់ក្តី កូនស្រីវ័យ ៥៣ឆ្នាំ (មានវីដេអូ)

ខេត្តកំពង់ចាម ៖ រឿងរ៉ាវដ៏ចម្លែកដែលកម្រនឹងបានជួបប្រទះនោះ គឺម្តាយវ័យ៨៦ឆ្នាំពិការ ជើងទាំងសងខាង ដើរមិនរួច បានប្តឹងកូនស្រី បង្កើតជាអ្នកថែទាំអាយុ ៥៣ឆ្នាំ ដើម្បីយកដីផ្ទះ ទំហំ២០ម៉ែត្រ គុណ៥០ម៉ែត្រ ព្រមទាំងដីស្រែជាង ៣ហិកតា ស្ថិតនៅភូមិពណ្ណរាយ សង្កាត់សួង ក្រុងសួង ខេត្តត្បូងឃ្មុំ ។ ទីបំផុតនារសៀលថ្ងៃទី២៩ កញ្ញា ២០១៥ ត្រូវបាន ចៅក្រម ហៃ ណៃហេង កាត់ក្តីឲ្យកូនស្រី ជាអ្នកឈ្នះក្តី ចំណែកម្តាយវិញក៏ កើតទុក្ខមិនសុខចិត្ត ត្រៀមនឹងដាក់ ពាក្យប្តឹងជំទាស់ ទៅសាលាឧទ្ធរណ៍ ផងដែរ ។

អ្នកស្រី យ៉េត ថេន ជាកូនស្រីបង្កើតរបស់លោកយាយ បានផ្តល់កិច្ចសម្ភាសនៅក្នុង សាលាដំបូងខេត្ត កំពង់ចាមឲ្យដឹងថា ចំពោះរឿងក្តីដ៏ក្តៅ គគុកខាងលើនេះ គឺបានកើតឡើង ជាង២ឆ្នាំមកហើយ ចាប់តាំងពី មិនទាន់ បំបែកចេញជាខេត្តត្បូងឃ្មុំម្ល៉េះ ដោយម្តាយ ឈ្មោះ ឡុង ណន ដែលជាដើម បណ្តឹងបានប្តឹង ពីរូបគាត់ ដើម្បីទាម ទារយកដីផ្ទះនៅរាល់ថ្ងៃ និងដីស្រែជា ចំណែកម្តាយចែក ឲ្យនាពេលកន្លងមក ។

អ្នកស្រី យ៉េត ថេន បានបន្តឲ្យដឹងទៀតថា ពីមុនមកគាត់រស់នៅជាមួយនិង ម្តាយឪពុករៀងរហូត មិនដែលកើតមានបញ្ហា ជម្លោះក្នុងគ្រួសារណា មួយកើតឡើងនោះទេ ប៉ុន្តែចាប់តាំង ពីពេលដែល បងស្រីឈ្មោះ ពីង មករស់នៅលើដីជាមួយគ្នាដោយ ផ្ទះនៅម្ខាងម្នាក់ ទើបតែជាង ២ឆ្នាំចុងក្រោយនេះ ហើយបញ្ហា ជម្លោះបានកើត ឡើងកាន់តែខ្លាំងឡើងៗ រហូត ឈានដល់សាលា ដំបូងខេត្តកំពង់ចាម ។

អ្នកស្រីបានរំលឹកថា កាលពីពេលមួយដែលឪពុកបានធ្លាក់ខ្លួនឈឺ គាត់ត្រូវរាប់រងចេញ លុយមើល ថែទាំតាំងពីនៅផ្ទះរហូតដល់ មន្ទីរពេទ្យខេត្តកំពង់ចាម មិនមាន បងប្អូនណាម្នាក់ចេញ លុយមើលឡើយ គឺគាត់ ត្រូវចំណាយគ្រប់បែបយ៉ាងនៅតែ មិនអាចសង្គ្រោះ បានទៀត ពេលឪពុកស្លាប់ គាត់ត្រូវចេញ លុយធ្វើបុណ្យ ចំណែកម្តាយ វិញបានត្រូវគាត់ចិញ្ចឹមជា រៀងរហូតមក មិនដែល គេចវេសម្តងណាទេ ។

អ្នកស្រី យ៉េត ថេន បានបញ្ជាក់ថា ដូចជារឿងបូមទឹកស្រែចាប់យកត្រីនោះ ត្រូវគាត់ជំទាស់ មិនឲ្យបង ប្អូនទៅចាប់យកត្រី នោះទេ ព្រោះថាស្រូវមិនទាន់ ចេញគ្រាប់ ប្រសិនបើបូម ទឹកអស់ស្រូវ ត្រូវដួលងាប់ គ្រាដែលទៅ ឃាត់នោះ ក៏ត្រូវបានប្អូនពីរនាក់ ព្រួតវាយគាត់ ឡើងទ្រមខ្លួន ក៏ប្តឹងមកលោក មេភូមិពណ្ណរាយ ហើយមេភូមិថា បើសិនជាហៅសមត្ថកិច្ចមក នោះ គេនឹងចាប់ យកទៅហើយ គិតឃើញវែងឆ្ងាយ ទើបមិនប្តឹងផ្តល់ ព្រោះតែអាណិត ម្តាយចាស់ជរា ។ អ្នកស្រីបានលើកឡើងទៀតថា ដីស្រែប្រាំងម្តាយលក់បាន៦ពាន់ដុល្លារ យកមកចែកចាយកូនៗអស់ និងបានយកលុយទាំងនោះ មកប្តឹងគាត់ឡើង តុលាការថែមទៀត ។ ចំពោះដីរាល់ថ្ងៃនេះ ដូចជាដីផ្ទះ ចំណែកម្តាយចែកឲ្យ និងដីស្រែជាង ៣ហិកតា គឺគាត់បានទិញពី អ្នកភូមិ បែរជាម្តាយចង់ ប្តឹងទាមទារយក ទៅចែកឲ្យ កូនៗទៅវិញ ព្រោះដីរបស់ម្តាយ គាត់លក់អស់ ទៅហើយ ។ ទោះជាកូន ស្រីឈ្នះក្តីក៏ពិតមែន ក៏នៅតែសុខ ចិត្តរ៉ាប់រងចិញ្ចឹមម្តាយបន្តទៀត លុះរហូតទាល់តែ គាត់ស្លាប់ ព្រោះគាត់បាន លះបង់ក្នុងជីវិត ច្រើនណាស់តាមម្តាយ ដោយសុខចិត្តលែងលះប្តីតាំងពីមាន ផ្ទៃពោះ៣ខែ ដោយហេតុតែ ស្រលាញ់ម្តាយ ពេករហូតមក ដល់សព្វថ្ងៃនេះ ។

លោកយាយ ឡុង ណន ដែលចាញ់ក្តីកូនស្រីបង្កើត មានប្រសាសន៍ឲ្យដឹងដែរថា ជុំវិញការ ចាញ់ក្តីខាងលើនេះលោកយាយ នឹងរៀបចំដាក់ ពាក្យបណ្តឹងជំទាស់ ទៅសាលាឧទរណ៍បន្តទៀត ៕