បញ្ហារសើប! ទីក្រុងពីរ នៅតំបន់អាស៊ាន ត្រូវបានជំរុញឲ្យយកចិត្តទុកដាក់ខ្លាំងចំពោះអ្នកញៀនថ្នាំ

បញ្ហារសើប! ទីក្រុងពីរ នៅតំបន់អាស៊ាន ត្រូវបានជំរុញឲ្យយកចិត្តទុកដាក់ខ្លាំងចំពោះអ្នកញៀនថ្នាំ

ទីក្រុងបាងកក នៃរាជាណាចក្រថៃ និងទីក្រុងយ៉ាងហ្គូន នៃប្រទេស មីយ៉ាន់ម៉ា បានស្ថិតនៅក្នុងរបាយការណ៍របស់អង្គការសហប្រជាជាតិ ទទួលបន្ទុកគ្រឿងញៀន និងឧក្រិដ្ឋកម្ម (UNODC) ក្នុងចំណោមបណ្ដាទីក្រុង ក្នុងតំបន់អាស៊ាន ដោយអំពាវនាវឱ្យ ផ្ដោតការយកចិត្តទុកដាក់កាន់តែខ្លាំង លើបញ្ហាសុខភាព និងសិទ្ធិមនុស្សរបស់អ្នកប្រើគ្រឿងញៀនទាំងអស់ ជាពិសេសអ្នក ដែលប្រើប្រាស់ថ្នាំញៀន ដោយប្រើម្ជុលចាក់។ ទន្ទឹមគ្នាដែរទីក្រុង Vienna នៃប្រទេសអូទ្រីសក៏មានឈ្មោះផងដែរ។

លោក Yury Fedotov នាយកប្រតិបត្តិ អង្គការ UNODC បានថ្លែងក្នុងរបាយការណ៍ថា មកដល់ពេលនេះនៅមានគម្លាតខ្លាំង ក្នុងការផ្ដល់សេវាសុខភាព ខណៈក្នុងរយៈពេល ប៉ុន្មានឆ្នាំនេះ អ្នកប្រើប្រាស់គ្រឿងញៀនម្នាក់ ក្នុងចំណោមប្រាំមួយនាក់នៅទូទាំងពិភពលោក បានទទួល សេវាព្យាបាលបន្សាបថ្នាំញៀនជារៀងរាល់ឆ្នាំ។ លោកបានបញ្ជាក់ថា ក្នុងឆ្នាំ ២០១២ ចំនួនអ្នកដែលស្លាប់ដែលពាក់ព័ន្ធនឹងការប្រើប្រាស់ថ្នាំញៀន មានប្រមាណជា ២០០,០០០ នាក់។

អង្គការ UNODC បានបញ្ជាក់ថា ភាពជោគជ័យប្រកបដោយនិរន្តរភាព ក្នុងការត្រួតពិនិត្យ គ្រឿងញៀនតម្រូវឱ្យមាន ការប្ដេជ្ញាចិត្តខ្ពស់នៅ ទូទាំងសកលលោក។ ការប្រើប្រាស់វិធីសាស្ត្រ ដែលមានតុល្យភាព និងទំលំទូលាយ លើការដោះស្រាយបញ្ហា ទាំងការផ្គត់ផ្គង់ និងតម្រូវការ គួរតែឆ្លើយតបដោយផ្អែកលើភស្តុតាងជាមូល ដ្ឋាន ផ្ដោតការយកចិត្តទុកដាក់លើកិច្ចការពារ, ការព្យាបាល ស្តារនីតិសម្បទា និងសមាហរណកម្ម ក្នុងសង្គម ។ លោក Fedotov មានប្រសាសន៍ថា “វាមានសារសំខាន់ណាស់ ជាពិសេសនៅពេលពួកយើងឆ្ពោះទៅរក សម័យប្រជុំសភាស្តីពីបញ្ហាគ្រឿងញៀនទូទៅនៅលើពិភពលោកនៅឆ្នាំ២០១៦”។

លោកបានលើកឡើងថា ការពិនិត្យគ្រប់គ្រងសារធាតុផ្សំ គួរតែត្រូវបានធ្វើឡើងឲ្យបានទូលំទូលាយ គ្រប់គ្រាន់ក្នុងផ្នែកវេជ្ជសាស្ជ្រ រួមទាំងធានាថ្នាំបំបាត់ការឈឺចាប់ត្រូវបានផ្តល់ជូន ខណៈពេលការពារ ការប្រើខុសបែបបទ និងការព្យាបាលមិនត្រឹមត្រូវបានផ្ដល់ទៅឲ្យ អ្នកញៀនថ្នាំ។

ភ្ជាប់ទៅនឹងរបាយការណ៍ថ្នាំញៀន ឆ្នាំ២០១៤ ខាងលើ ព្រមទាំងបានចេញផ្សាយកាលពីថ្ងៃម្សិលក៏បានបង្ហាញដែរថា កម្រិត នៃការប្រើប្រាស់ថ្នាំញៀននៅជុំវិញពិភពលោក គឺនៅថេរដដែល។ ប៉ុន្តែ ក្នុងតំបន់ខ្លះមានការកើនឡើង ជាក់ស្ដែងប្រទេស ក្នុងប្រទេសអាស៊ីបូព៌ា និងអាស៊ីអាគ្នេយ៍ ការប្រើប្រាស់ថ្នាំញៀន មេតំហ្វេតាមីនបានរីករាល ដាល ក្នុងបណ្ដាប្រទេសជាច្រើន។ តម្រូវការខ្ពស់ពីការផលិតថ្នាំនេះ បាននាំដល់ ការចាប់ដកហូត នៅក្នុងតំបន់បានប្រមាណជា ២៣០ លានគ្រាប់ និង ១១.៦ តោន សម្រាប់ ប្រភេទម៉ាទឹកកកកាលពីឆ្នាំមុន។

នៅក្នុងប្រទេសជាច្រើននៅ ក្នុងតំបន់ រួមទាំងប្រទេសចិន ម៉ាឡេស៊ី មីយ៉ាន់ម៉ា និងវៀតណាម នៅតែមានការបារម្ភយ៉ាងខ្លាំងពី កម្រិតធ្ងន់ធ្ងរ នៃថ្នាំហេរ៉ូអ៊ីន។ បន្ទាប់ពីការកើនឡើងខ្លាំង នៅឆ្នាំ ២០០៨ និងឆ្នាំ ២០១១ ការចាប់ដកហូត ថ្នាំនេះរវាងឆ្នាំ ២០១២ ដល់ឆ្នាំ ២០១៣ និន្នាការបង្ហាញថា វាស្ថិតនៅកម្រិតខ្ពស់ដដែល ហើយការរឹបអូសយក ក្នុងមួយឆ្នាំៗ មានចំនួនច្រើនជាង៩តោន។ ការចាប់ដកហូតទាំងនេះ ស្របពេលជាមួយការកើនឡើងការដាំដុះដើមអាភៀន នៅតំបន់ត្រីកោណមាស ដែលជា កន្លែងត្រូវបានរាយការណ៍ថា ការដំាំដុះកើនពីឆ្នាំទៅមួយឆ្នាំ ចាប់តាំងពីឆ្នាំ ២០០៦។

របាយការណ៍ឲ្យដឹងទៀតថា ក្នុងចំនួនមនុស្ស ២៤៣លាននាក់ ឬ ៥ភាគរយ នៃចំនួនប្រជាជនលើសកលលោក មនុស្សមានអាយុចាប់ពី ១៥ឆ្នាំ ទៅ ៦៤ឆ្នាំ ធ្លាប់ប្រើប្រាស់ថ្នាំញៀនខុសច្បាប់ ក្នុងឆ្នាំកន្លងទៅនេះ។ អ្នកប្រើប្រាស់ថ្នាំញៀន គឺមានចំនួន ២៧ លាននាក់ ប្រហែលជា ០.៦ ភាគរយនៃចំនួនប្រជាជនពេញវ័យ ក្នុងសកលលោក ឬ ១នាក់ ក្នុងចំណោម ២០០នាក់ បានប្រើប្រាស់ថ្នាំញៀន៕

ប្រភពះsabay

មុន បន្ទាប់

មតិយោបល់