ស្ត្រីម្នាក់សង្ស័យមានជំងឺសរសៃប្រសាទ ដើរគប់គេ ហើយដោះខោអាវខ្លួនឯងចោលទាំងយប់

ស្ត្រីម្នាក់សង្ស័យមានជំងឺសរសៃប្រសាទ ដើរគប់គេ ហើយដោះខោអាវខ្លួនឯងចោលទាំងយប់

រាជធានីភ្នំពេញ ៖ ស្ត្រីម្នាក់សង្ស័យមានជំងឺសរសៃប្រសាទ ដើរតាមផ្លូវបណ្ដើររើសដុំថ្មគប់គេបណ្តើរ ព្រមទាំងស្រាតខោអាវខ្លួនឯងបោះចោលទៀត បង្កឱ្យមានការភ្ញាក់ផ្អើល កាលពីវេលាម៉ោង៨យប់ ថ្ងៃទី២០ តុលា ២០១៥ នៅចំណុចមុខសណ្ឋាគារបាលី តាមបណ្តោយផ្លូវចូលវត្តអង្គតាមិញ ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។

ប្រភពពីប្រជាពលរដ្ឋបានឱ្យដឹងថា ស្ត្រីម្នាក់មិនដឹងថាដើរមកពីណានោះទេ ដើរបណ្តើរឡូឡាបណ្តើរ ហើយរើសដុំថ្មគប់គេទៀត ធ្វើឱ្យប្រជាពលរដ្ឋនៅម្តុំនេះមានការខឹងសម្បារយ៉ាងខ្លាំង តែមួយសន្ទុះក្រោយមកស្រាប់តែស្ត្រីម្នាក់នោះដោះខោអាវខ្លួនឯងបោះចោល ទៅវិញ ធ្វើឱ្យអ្នកខឹងសម្បារទាំងនោះបែរជាស្រឡាំងកាំងហើយប្រែទៅជាអាណិត នាងទៅវិញ ។

ប្រភពបន្តទៀតថា ដោយឃើញនាងស្រាតខោអាវបោះចោលបែបនេះ អ្នកខ្លះមានការអាណិតក៏យកកន្សែងជួយរុំឱ្យដើម្បីកុំឱ្យគេឃើញ កេរ្តិ៍ខ្មាស់ បន្ទាប់មកក៏ឃើញមានសមត្ថកិច្ចមកដល់ ក៏ព្យាយាមលួងលោមស្ត្រីរូបនោះដើម្បីនាំទៅសាកសួរ តែស្ត្រីរូបនោះព្យាយាមរត់គេចពីសមត្ថកិច្ច ហើយលើកដៃសំពះអង្វរកុំឱ្យចាប់នាងព្រោះនាងអត់បានធ្វើអីអ្នកណា ទេ ។ ដោយឃើញបែបនេះសមត្ថកិច្ចក៏ទាក់ទងទៅខាងសង្គមកិច្ចដើម្បីមកជួយនាំ ស្ត្រីដែលសង្ស័យមានជំងឺសរសៃប្រសាទរូបនេះទៅធ្វើការសួរនាំ និងស្វែងរកសាច់ញាតិដើម្បីមកយកត្រឡប់ទៅផ្ទះវិញ ៕