កូរ៉េខាងត្បូង៖ អវត្តមាន Lay ក្នុងការប្រគុំតន្រ្តីមួយ បានធ្វើឲ្យអ្នកគាំទ្រ ជាពិសេសអ្នកនិយមលេងអុិនធឺណែត បានលើកយកមកពិភាក្សា ដោយភ័យខ្លាចសមាជិកជនជាតិចិន ចុងក្រោយម្នាក់នេះ ចាកចេញពីក្រុម EXO ដូចដែលសមាជិកចិន ៣រូបទៀត ធ្លាប់ធ្វើកន្លងមក។

បើតាមប្រភពព័ត៌មានបានឲ្យដឹងថា នៅក្នុងការប្រគុំតន្រ្តីរបស់ក្រុម EXO “EXO PLANET # 2 – The EXO’luXion ក្នុងប្រទេសជប៉ុន កាលពីថ្ងៃទី២៣កន្លងទៅថ្មីៗនេះ គេមិនមានឃើញសមាជិកឈ្មោះ Lay ដែលជាកូនពៅជនជាតិចិននៃក្រុមនេះ ដូចរាល់ដងនោះឡើយ។

គួបផ្សំនឹងរឿងរ៉ាងកើតឡើងកន្លងមក ដែលសមាជិកជនជាតិចិន ៣រូបរួចមកហើយ Kris, Luhan, Tao បានចាកចេញពីក្រុម បណ្តាក់គ្នាដូចខ្យងនោះ ឥឡូវនេះបានធ្វើឲ្យ អ្នកគាំទ្របានភ័យខ្លាច Lay ចាកចេញពីក្រុមនេះម្នាក់ទៀត។

Kris, Lay, Luhan, Tao (ពីឆ្វេងទៅស្តាំ)

ទាក់ទងនឹងរឿងខាងលើនោះដែរ ក្រុមភ្នាក់ងាររបស់ផលិតកម្ម ពួកគេបានចេញសេចក្តីថ្លែងការណ៍ ដោយបានបកស្រាយថា ការអវត្តមានរបស់ Lay ក្នុងការប្រគុំតន្រី្តនៅជប៉ុនការពីពេលថ្មីៗនេះ គឺដោយសារតែការជាន់កាលវិភាគគ្នា នឹងការងាររបស់គេនៅប្រទេសចិន ដូច្នេះហើយទើបគេមិនអាចបង្ហាញវត្តមាន ក្នុងការសម្តែងបាន។

ទោះជាយ៉ាងណាក៏ដោយ អ្នកលេងអិុធឺណែតមួយចំនួន បានសរសេរមតិថា៖

"គាត់បង្ហាញច្បាស់ថា គាត់នឹងចាកចេញពី EXO"

"ខ្ញុំគិតថាឥឡូវនេះ គាត់បានសម្រេចចិត្តហើយ។ ជាការពិតណាស់មុននិងក្រោយ គាត់គង់តែចាកចេញ"

"តើអ្នកនឹងអាច...?"៕

ប្រភព Koreaboo

ដោយ លូហាន

ខ្មែរឡូត