កំពង់ស្ពឺ ៖ តាមការរាយការណ៏ បានឲ្យដឹងថា មានក្រុមចោរប្លន់ប្រដាប់ដោយកាំភ្លើង AK បានចូលប្លន់ ការ៉ាស់សាំង យីហោ លឹម ឡុង ដែលមានទីតាំងស្ថិតនៅ ក្នុងភូមិអង្គមេត្រី ឃុំរលាំងគ្រើល  ស្រុកសំរោងទង ខេត្តកំពង់ស្ពឺ នៅយប់ ថ្ងៃទី១៣ ខែវិច្ឆិកា ឆ្នាំ២០១៥។

សេចក្តីរាយការណ៏ បានបន្តថា ក្រុមចោរប្រដាប់អាវុធ បានចូលប្លន់ការ៉ាស់សាំង មានបក្ខពួក ប្រមាណជា៣ទៅ៤នាក់  ប្រដាប់ដោយ កាំភ្លើង AK ហើយបានផ្ទុះអាវុធ ជាច្រើនគ្រាប់ បណ្ដាលរងរបួសមនុស្សម្នាក់ ត្រូវបានបញ្ជូន ជនរងគ្រោះទៅមន្ទីរពេទ្យកាល់ម៉ែត។

ប្រភពព័ត៌មានក៏បានឲ្យដឹងថា ជនរងគ្រោះទី១ឈ្មោះ កឹម សុខហីម ភេទប្រុស អាយុ៥១ឆ្នាំ ជាប្តី រងរបួសក្បាល និងឆ្អឹងជំនី ទី២ឈ្មោះ យឹម សុខហេង ភេទស្រី អាយុ៥០ឆ្នាំ ជាប្រពន្ធ ទាំង២នាក់រស់នៅ ភូមិអង្គមេត្រី ឃុំរលាំងគ្រើល ស្រុកសំរោងទង ខេត្តកំពង់ស្ពឺ៕

ផ្តល់សិទ្ធដោយ ដើមអម្ពិល