ភ្នំពេញ៖ បន្ទាប់ពីអតីតតារាសម្តែង សុវណ្ណ មករា បានចូលរោងការ កាលពីថ្ងៃទី ២២ ខែតុលា កន្លងទៅថ្មីៗនេះ ជាមួយនឹង​ អតីតពិធីការិនីរូបស្រស់ ឈិន ច័ន្ទសុធារី​  រួចមក គេសង្កេតឃើញថា រូបលោក តែងយល់ចិត្តយល់ថ្លើម ភរិយា​ជានិច្ច ដោយមិនឲ្យនាងទាស់ចិត្តនោះទេ។

លោក សុវណ្ណ មករា តែងបង្ហាញក្តីស្រឡាញ់ និងការយកចិត្តទុកដាក់ លើភរិយាដ៏ស្រស់ស្អាត របស់ខ្លួន ក្រោយពួកគេបានសាងជីវិតគ្រួសាររួមគ្នា។ ហើយមិនតែប៉ុណ្ណោះ​រូបគាត់ តែងជូននាង ទៅទទួលទានអាហារឆ្ងាញ់ៗ នៅតាមភោជនីយដ្ឋានជារឿយៗ ជាមួយនឹងកាយវិការដ៏ផ្អែមល្ហែម និងរ៉ូម៉េនទិកផងដែរ។

ភាពផ្អែមល្ហែម របស់លោក សុវណ្ណមករា និងអ្នកនាង ឈិន ឈិន ច័ន្ទសុធារី បានធ្វើឲ្យមហាជន មានការត្រេកអរ នៅពេលឃើញពួកគេ ចេះយល់ចិត្ត និងមានពេលវេលាល្អៗ ជាមួយគ្នាបានច្រើន៕