គ្រោះថ្នាក់ចរាចរណ៍ដ៏គួរឱ្យរន្ធត់នៅស្រុក ព្រះនេត្រព្រះ តាកូម៉ាបុកកាមរីឆេះសន្ធោសន្ធៅ ស្លាប់២នាក់ របួសធ្ងន់ម្នាក់

គ្រោះថ្នាក់ចរាចរណ៍ដ៏គួរឱ្យរន្ធត់នៅស្រុក ព្រះនេត្រព្រះ តាកូម៉ាបុកកាមរីឆេះសន្ធោសន្ធៅ ស្លាប់២នាក់ របួសធ្ងន់ម្នាក់

ខេត្តបន្ទាយមានជ័យ ៖ គ្រោះថ្នាក់ចរាចរណ៍ដ៏គួរឲ្យរន្ធត់មួយបានកើតឡើងរវាងរថយន្តកាមរី ជាមួយ រថយន្តតាកូម៉ាបណ្ដាល រថយន្តកាមរីឆេះ សន្ធោសន្ធៅ និងស្លាប់មនុស្ស ២នាក់ភ្លាមៗនៅ កន្លែងកើតហេតុ ព្រមទាំងរបួសធ្ងន់ម្នាក់ ដែលហេតុការណ៍នេះ កើតឡើងកាល ពីវេលាម៉ោង៦យប់ ថ្ងៃទី១៦ វិច្ឆិកា ២០១៥ នៅតាម បណ្ដោយផ្លូវជាតិលេខ៦ ចំណុចខាងលិច ស្ពានព្រៃមាន់ ចម្ងាយប្រមាណ ៥០០ម៉ែត្រ ស្ថិតក្នុងភូមិព្រៃមាន់ ឃុំរហាល ស្រុកព្រះនេត្រព្រះ ខេត្តបន្ទាយមានជ័យ ។

តាមសេចក្តីរាយការណ៍ជំហានដំបូងពីប្រជាពលរដ្ឋដែលបានឃើញហេតុការណ៍ គ្រោះថ្នាក់ចរាចរណ៍នេះបានប្រាប់ លោក ផ្លឹង វិចិត្រ នាយផ្នែកនគរបាលចរាចរណ៍ ស្រុកព្រះនេត្រព្រះ ឲ្យដឹងថា មុនពេលកើត ហេតុគេឃើញរថយន្ត១គ្រឿងម៉ាក តូយ៉ូតា តាកូម៉ា ពណ៌ខៀវ ជិះ២នាក់ប្តីប្រពន្ធក្នុងល្បឿន យ៉ាងលឿនពីលិចទៅកើត ស្រាប់តែមកដល់កន្លែង កើតហេតុរថយន្ត នោះក៏បែកកង់មុខរេ ចង្កូតទៅបុក ជាមួយរថយន្ត១គ្រឿងទៀត ម៉ាក តូយ៉ូតា កាមរី ស៊េរី១៩៩៣ ពណ៌ខ្មៅ បើកបរដោយបុរសម្នាក់ អាយុប្រមាណ ជាង៣០ឆ្នាំ ដែលកំពុងបើកក្នុងទិសដៅបញ្ច្រាស់ទិសគ្នា បណ្ដាលឲ្យរថយន្តកាមរី ផ្ទុះឆេះយ៉ាងសន្ធោសន្ធៅស្លាប់ អ្នកបើកបរយ៉ាង អាណោចអាធ័ម ។ ចំណែករថយន្តតាកូម៉ា បានក្រឡាប់សង្កត់បុរស ជាប្តីអ្នកបើកបរស្លាប់ភ្លាមៗ ចំណែក ប្រពន្ធត្រូវបាន ប្រជាពលរដ្ឋជួយសង្គ្រោះទាន់ តែរងរបួសធ្ងន់ បញ្ជូនទៅសង្គ្រោះ បន្ទាន់នៅមន្ទីរពេទ្យ ។

រហូតមកដល់ម៉ោង៩ និង៣០នាទីយប់ថ្ងៃដដែល សមត្ថកិច្ចនៅមិនទាន់ស្គាល់អត្តសញ្ញាណ ជនរងគ្រោះ នៅឡើយទេ ។ ចំណែករថយន្ត គ្រោះថ្នាក់ទាំង២ត្រូវ បានសមត្ថកិច្ចអូស យកទៅរក្សាទុក នៅអធិការដ្ឋាននគរបាលស្រុកព្រះនេត្រព្រះរង់ចាំដោះ ស្រាយតាមផ្លូវច្បាប់ នៅពេលក្រោយ ។