ថៃ៖ រ៉ូបរ៉ឺម៉កកង់បី (Tuk Tuk) ដែលគ្រងដោយបវរកញ្ញាតំណាងប្រទេសថៃ បានឈ្នះជាសម្លៀកបំពាក់តំណាងជាតិល្អបំផុត (Best Nation Costume)។

រូបភាពរបស់នាង ជាមួយរ៉ូប Tuk Tuk នោះ

តាមគេហទំព័របរទេសមួយ បានឲ្យដឹងថា ទន្ទឹមនឹងមានរឿងរន្ធត់មួយកើតឡើង ជាប្រវត្តិសាស្ត្រ ដែលទាក់ទង ទៅនឹងការប្រកាសលទ្ធផលខុស វគ្គផ្តាច់ព្រ័ត្តនៃការប្រកួតបវរកញ្ញាពិភពលោកនោះ ក៏មានរឿងគួរ រំភើបមួយ សម្រាប់ប្រទេសថៃផងដែរ គឺ រ៉ូប Tuk Tuk ដែលគ្រងដោយនាង Aniporn Chalermburanawong អាយុ ២១ឆ្នាំ បានឈ្នះពានរង្វាន់ សម្លៀកបំពាក់តំណាងជាតិល្អបំផុត (Best Nation Costume) ដែលប្រកាស កាលពីថ្ងៃ ២១ ធ្នូ នៅឯទីក្រុង Las Vegas សហរដ្ឋអាមេរិក។

គួរបញ្ជាក់ផងដែរថា រ៉ូប Tuk Tuk នេះ រចនាឡើងដោយ លោក Hirankrit Paipibulkul ដែលជាបណ្ឌិតផ្នែកវប្បធម៌។ ជាការពិតណាស់ ទោះបីជា បវរកញ្ញាវ័យក្មេងរូបនេះ ស៊ូបានរហូតដល់ ជុំ១០នាក់ ហើយធ្លាក់ ពីការប្រកួត ក្នុងជុំ៥នាក់ចុងក្រោយ ដែលសល់ប្រទេស អូស្ត្រាលី បារាំង ហ្វីលីពិន សហរដ្ឋអាមេរិក និងកូឡុំប៊ី ក៏ពិតមែន តែនាងបាននាំមកនូវ មោទនភាពជាខ្លាំង ដល់ប្រទេសរបស់ខ្លួន ដោយសារ ការឈ្នះពាន់រង្វាន់នេះ ក្នុងជុំផ្តាច់ព្រ័ត្រនោះឯង៕

ប្រភព៖​ បរទេស

ដោយ ឌី

ខ្មែរឡូត