Star Wars: The Force Awakens ដែលបានចាក់បញ្ចាំងក្នុងរោងភាពយន្តទូទាំង ពិភពលោក​តាំង ពីថ្ងៃសុក្រ ទី១៨ ខែធ្នូ ឆ្នាំ២០១៥ បានទទួលការពេញ និយមយ៉ាងច្រើន សន្ធឹកសន្ធាប់។​ នៅកម្ពុជា ត្រឹមតែថ្ងៃដំបូង នៃការចាក់បញ្ចាំង ខ្សែភាពយន្តនេះបាន រកប្រាក់ចំណូលដល់ទៅជាង ២ម៉ឺន ៣ពាន់ដុល្លារអាមេរិក ដែលនេះជាចំនួនដ៏ច្រើនកម្រមាន។

នៅសហរដ្ឋអាមេរិក ខ្សែភាពយន្តនេះបានទទួលជោគជ័យយ៉ាងឆាប់រហ័ស ដោយត្រឹមតែ ២១ម៉ោងក្រោយការ ចាក់បញ្ចាំង ប៉ុណ្ណោះ វាបានរកចំណូលដល់ទៅ​ ១០០ លានដុល្លារអាមេរិក ហើយត្រឹមតែ១៦ថ្ងៃ ចំណូលកើនឡើងដល់ ៧០០ លានដុល្លារអាមេរិក​ ដែល​បានយក ឈ្នះខ្សែភាពយន្តហូលីវូដ Avatar ដែលធ្លាប់ជាខ្សែភាពយន្តរកចំណូលបានច្រើន ជាងគេបំផុត ។

Star Wars: The Force Awakens បានផ្ដោតលើតួអង្គស្រីអាយុត្រឹម១៩ឆ្នាំ ឈ្មោះ Rey និងមនុស្សយន្ត BB-8 ដ៏ឆ្លាតនិងគួរឱ្យ ស្រឡាញ់។ អ្នកទស្សនានឹងទទួលបានទស្សនីយភាពអស្ចារ្យនៃសង្គ្រាមរវាងពិភព​​ស និងខ្មៅ ហើយនឹងអាចដឹងថាតើ Rey មានថាមពលអស្ចារ្យកម្រិតណា។  

ការទស្សនាជា 3D និង 4DX​ គឺកាន់តែធ្វើឱ្យអ្នកទស្សនា បានឃើញនូវភាពអស្ចារ្យនិងសម្បើមនៃ ខ្សែភាពយន្តកាន់​តែខ្លាំង ឡើងថែមទៀត ហើយធ្វើឱ្យចង់តាម ដានទស្សនាតាំងពីដើម រហូតដល់ចប់ និងមិនដាច់ចិត្តក្រោកចេញពីកៅអីឡើយ។ អ្នកទស្សនាមួយចំនួនបានទៅ​ មើលខ្សែភាពយន្តនេះ ៣ទៅ៤ដងរួចទៅហើយ ហើយសម្រាប់អ្នកដែលមិនទាន់បានទស្សនា ក៏មិនគួររង់ចាំឱ្យខកខាន ពេលវេលាក្នុងការទៅទស្សនា ផ្ដិតយក​ រូបភាពដ៏អស្ចារ្យនៃខ្សែភាពយន្តហូលីវូដដ៏ធំ ល្បីល្បាញនេះ ផងដែរ។

“សូមឱ្យថាមពលដ៏អស្ចារ្យនេះនៅជាមួយអ្នកជានិច្ច May the force be with you.”

ទស្សនា Trailer នៅទីនេះ

ដើម្បីទទួលបានពត៌មានលំអិត ពីភាពយន្តនេះនិង ពត៌មានផ្សេងៗទៀតទាក់ទង  នឹង ភាពយន្តដែលលោក អ្នកចូលចិត្តអាច ចូលទៅកាន់ចៃកុន តាមប្រព័ន្ធបណ្តាញសង្គម ដូចជា:www.facebook.com/JaiKon.Cambodia , www.youtube.com/JaiKonCambodia ហើយក៏អាច add ចៃកុនជាមិត្ត ក្នុងកម្មវិធីLINE ដែលមាន ID: @JAIKON ដើម្បីទទួលបានរង្វាន់ ដូចជាសំបុត្រកុន និង របស់ពីភាពយន្តជា រៀងរាល់អាទិត្យ៕

បញ្ចូលអត្ថបទដោយ ម៉ា

ខ្មែរឡូត