ស៊ុក សុភា ឡើងតាំងពីអូស្ត្រាលី មកទទួលសញ្ញាបត្រនៅកម្ពុជាព្រឹកនេះ

ស៊ុក សុភា ឡើងតាំងពីអូស្ត្រាលី មកទទួលសញ្ញាបត្រនៅកម្ពុជាព្រឹកនេះ

ស្សិតថ្នាក់ឧត្តមចំនួនជាង ៧០០០នាក់ បានមកជួបជុំគ្នាទទួលសញ្ញាបត្រព្រឹកមិញ ក្នុងនោះមានសិល្បករខ្មែរមួយចំនួន ក៏បានមកទទួលសញ្ញាបត្រដ៏មានកិត្តិយសជាមួយនឹងគេដែរ។

សិល្បករខ្មែរទាំងនោះរួមមាន លោក ស៊ុក សុភា ដែលបានដកខ្លួនទៅរស់នៅអូស្ត្រាលីជាមួយភរិយាតាំងពីរៀបការរួចនោះ ក៏បានបង្ហាញខ្លួនក្រឡឺមនៅព្រឹកនេះដែរ។ ក្រៅពីនេះ មានលោក អ៊ឹម ជីវ៉ា តារាសម្តែង និងជាពិធីករទូរទស្សន៍ លោក គឹម សីហា តារាសម្តែង និងជាគូស្នេហ៍កញ្ញា គង់ ចាន់ស្រីមុំ និងលោក សាន វិសាល ពិធីករទូរទស្សន៍ហង្សមាសជាដើម។

រឿងដែលគួរឲ្យកត់សម្គាល់នោះ គឺថា លោក ស៊ុក សុភា បានឡើងតាំងពីអូស្ត្រាលីមកទទួលសញ្ញាបត្របរិញ្ញានៅកម្ពុជាព្រឹកនេះ។ នេះបើលោក អ៊ឹម ជីវ៉ា បានប្រាប់ឲ្យដឹង។ តារាសម្តែង និងជាពិធីករទូរទស្សន៍រូបនេះ ប្រាប់បន្តថា សញ្ញាបត្រដែលលោក និងលោក ស៊ុក សុភា ទទួលបានព្រឹកនេះ គឺសញ្ញាបត្របរិញ្ញាបត្រច្បាប់ ក្រោយពួកលោកបានបញ្ចប់បរិញ្ញាជំនាញនេះ ប្រមាណជា ៥ឆ្នាំកន្លងមក នៅសាកលវិទ្យាល័យភូមិន្ធនីតិសាស្ត្រ និងវិទ្យាសាស្ត្រសេដ្ឋកិច្ច។ ដោយឡែកសិល្បករផ្សេងទៀត លោកមិនច្បាស់ថា ពួកគេទទួលសញ្ញាបត្រជំនាញអ្វីឡើយ៕