រឿងភ្ញាក់ផ្អើល ស្វែង សុជាតា សហការជាមួយហូលីវូដ បង្កើតផលិតកម្មនៅស្រុកខ្មែរ

រឿងភ្ញាក់ផ្អើល ស្វែង សុជាតា សហការជាមួយហូលីវូដ បង្កើតផលិតកម្មនៅស្រុកខ្មែរ

តារាសម្ដែងម្ចាស់ពានអាណាចក្រតារាពីរឆ្នាំជាប់គ្នា អ្នកនាង ស្វែង សុជាតា ដែលកំពុងញាំញីដោយសារជំងឺដុះសាច់ក្នុងខួរក្បាលនោះ បានប្រកាសបើកផលិតកម្មផ្ទាល់ខ្លួនថ្មីមួយដោយសហការជាមួយបុគ្គលចេញពីហូលីវូដផង។

ផលិតកម្មថ្មីមួយនេះរបស់អ្នកនាង ស្វែង សុជាតា មានឈ្មោះថា “Plywood Production” ដោយឈ្មោះនេះ គឺចេញពីឈ្មោះពេញ “Phnom Penh Production” ។ ផលិតកម្មនេះ គឺអ្នកនាង បានសហការជាមួយដៃគូមកពីឧស្សាហកម្មហូលីវូដ។ នេះបើតាមការបញ្ជាក់របស់សាមីខ្លួនតាមបណ្ដាញសង្គមរសៀលនេះ។

អ្នកនាង ស្វែង សុជាតា កាលមិនទាន់មានជំងឺ(រូបថត៖Facebook ស្វែង សុជាតា)

តាមរយៈសារជាភាសាអង់គ្លេសយ៉ាងវែងអន្លាយលើបណ្ដាញទំនើបនេះ អ្នកនាង ស្វែង សុជាតា ថែមទាំងបញ្ចេញឲ្យដឹងថា អ្នកនាងក៏កំពុងតែសរសេររឿងផ្ទាល់ខ្លួនដើម្បីផលិតចេញជាខ្សែភាពយន្តធំមួយ សម្រាប់ជាចំណងដៃជូនដល់ប្រិយមិត្តតាមរយៈផលិតកម្មថ្មីនេះរបស់អ្នកនាងផង។

អ្នកនាង សង្កត់ធ្ងន់ថា “ឆ្នាំ ២០១៦ រឿងពិតរបស់ខ្ញុំ នឹងបើកបង្ហាញឲ្យប្រជាពលរដ្ឋនៅក្នុងពិភពលោកនេះបានដឹង។ តើមានមនុស្សប៉ុន្មាននាក់ ដែលមានស្ថានភាពជីវិតអាប់អួរដូចជាខ្ញុំ? ហើយរឿងរ៉ាវអាក្រក់របស់ខ្ញុំយ៉ាងណាខ្លះទៅ ដែលខ្ញុំមិនដែលប្រាប់ទៅអ្នករាល់គ្នា? ដូច្នេះ ខ្ញុំគ្រាន់តែបើកបង្ហាញ និងពិភាក្សាពីរឿងពិតនេះ!”។

ប្រភព Sabay

មុន បន្ទាប់

មតិយោបល់