កូនប្រុសច្បងសម្តេចតេជោ ប្តឹងម្ចាស់គណនី Facebook ឈ្មោះ Chham Chhany ពីបទបរិហារកេរ្តិ៍ជាសាធារណៈ

កូនប្រុសច្បងសម្តេចតេជោ ប្តឹងម្ចាស់គណនី Facebook ឈ្មោះ Chham Chhany ពីបទបរិហារកេរ្តិ៍ជាសាធារណៈ

រាជធានីភ្នំពេញ ៖ លោក ហ៊ុន ម៉ាណែត កូនប្រុសច្បងរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី២២ ខែមករា ឆ្នាំ២០១៦នេះ បានដាក់ពាក្យបណ្ដឹងប្តឹងពីម្ចាស់គណនី Facebook ឈ្មោះ Chham Chhany ពីបទបរិហារកេរ្តិ៍ជាសាធារណៈ ។

លោក ហ៊ុន ម៉ាណែត បានសរសេរនៅក្នុងហ្វេសប៊ុករបស់លោក កាលពីល្ងាចថ្ងៃទី២២មករានេះថា « ថ្ងៃនេះ ខ្ញុំបានដាក់ពាក្សបណ្តឹង បុគ្គលម្នាក់ឈ្មោះ ឆាំ ឆានី (Chham Chhany) ដែលបានធ្វើការប្រឌិតខុស ពីការពិតទាំងស្រុង ដែលធ្វើអោយប៉ះពាល់យ៉ាងខ្លាំងដល់កិត្តិយស និងសេចក្តីថ្លៃថ្នូររបស់គ្រួសារខ្ញុំ និងខ្លួនខ្ញុំផ្ទាល់ ។»

លោកបានសរសេរនៅក្នុងហ្វេសប៊ុនករបស់លោកទៀតថា «នៅក្នុងប្រទេសប្រជាធិបតេយ្យ ប្រជាពលរដ្ឋគ្រប់រូបមានសិទ្ធិសេរីភាព គ្រប់គ្រាន់ក្នុងការបញ្ចេញមតិ របស់ខ្លួន។ ប៉ុន្តែបុគ្គលនីមួយៗក៏ត្រូវមានការទទួលខុសត្រូវចំពោះការប្រើប្រាស់ សិទិ្ធរបស់ខ្លួនផងដែរ ដោយការប្រើប្រាស់សិទ្ធិរបស់ខ្លួន ត្រូវគោរពយ៉ាងហោចណាស់គោលការណ៍ សំខាន់ពីរ៖ ទី១-ការបញ្ចេញមតិត្រូវស្ថិតក្នុងព្រំដែន ដែលច្បាប់អនុញ្ញាតិ (ដូចជាមិនអាចប្រមាថជីវិតអ្នកដ៏ទៃ តាមការគំរាមសម្លាប់ ឬញុះញង់បង្កហិង្សាក្នុងសង្គម ។ល។) និង ទី២-ការបញ្ចេញមតិមិនត្រូវរំលោភទៅលើសិទ្ធិរបស់អ្នកដ៍ទៃ ក្នុងការរស់នៅប្រកបដោយកិត្តិយស និងសេចក្តីថ្លៃថ្នូរ (ដូចជាចោទប្រកាន់ មួលបង្កាច់ ដោយគ្មានការពិតទៅលើបុគ្គលដ៍ទៃ)។ ក្នុងករណីដែលការប្រើប្រាស់សិទ្ធិ សេរីភាពបញ្ចេញមតិរបស់បុគ្គលណាមួយ មិនគោរពតាមគោលការណ៍ទាំងពីរខាងលើ បុគ្គលនោះត្រូវទទួលខុសត្រូវចំពោះទង្វើរបស់ខ្លួន។»

សូមអានខ្លឹមសារដើមទាំងស្រុង នៃ ពាក្យបណ្ដឹងរបស់លោក ហ៊ុន ម៉ាណែត ផ្ញើជូន ឯកឧត្តមនាយឧត្តមសេនីយ៍ អគ្គស្នងការនគរបាលជាតិ ៖