ចិន៖ អ្នកនិយមលេងអុិនធឺណែតជាច្រើន បាននាំគ្នាខឹងសម្បារយ៉ាងខ្លាំង ក្រោយមានគេបង្ហោះរូបថត បង្ហាញសាកសពទារក ដែលទើបនឹងកើតម្នាក់ ត្រូវបានម្តាយបោះចោល លើដំបូលសំយ៉ាបអគារ យ៉ាងអណោចអធមដូចជាខ្មោចសត្វ។

រូបថតសាកសពទារកទើបនឹងកើតម្នាក់ ត្រូវបានម្តាយបោះចោល នៅលើដំបូលសំយ៉ាបអគារ ត្រូវបានអ្នកនិយមលេងអុិនធឺណែត យកមកបង្ហោះ បង្កើតបានជាការខឹងសម្បារ និងហួសចិត្តទៅលើម្តាយអប្រិយ គ្មានបេះដូងមួយរូបនោះជាខ្លាំង។ បើតាមប្រភពពីសារព័ត៌មានបានឲ្យដឹងថា សាកសពទារកកំសត់ម្នាក់នោះ ត្រូវបានគេប្រទះឃើញដេកស្លាប់ នៅលើដំ​បូលសំយ៉ាបអគារ ជាកន្លែងទុកយាន្តជំនិះមួយកន្លែង កាលពីថ្ងៃទី២៣ ខែមករា កន្លងទៅថ្មីៗនេះ នៅផ្លូវ Huayuan ទិក្រុង Jiangyou ក្នុងខេត្ត សុីឈួន ប្រទេសចិន។

ក្នុងនោះដែរ មានអ្នកនិយមលេងអុិនធឺណែត ជាច្រើនមានការខឹងសម្បារ និងបានដាក់មតិទៅលើរូបថតនោះ ដូចខាងក្រោមនេះថា៖ 

"មើលទិដ្ឋភាពនេះទៅ! ខ្ញុំពិតជាចង់យំណាស់ ឱក្មេងកំសត់អើយ! រាង្គកាយដ៏តូចមួយ ត្រូវគេទុកចោលក្រោមសីតុណ្ហភាពដ៏ត្រជាក់។ ប្រសិនបើអ្នកមិនចង់បានគេ យ៉ាងហោចណាស់ ក៏គួរទុកគេចោល នៅឯមន្ទីរពេទ្យទៅ! តើអ្នកគិតថា ជីវិតមួយនេះគឺជាអ្វី? "

"បេះដូងខ្ញុំពិតជាឈឺណាស់! ប្រសិនបើអ្នកមិនចង់បានគេ ក៏អ្នកមិនគួរបោះគេចោលដែរ! តើម្តាយក្មេងនេះសមជាមនុស្សដែរទេ?"

"បច្ចុប្បន្ននេះ មនុស្សបានបាត់បង់ សមត្ថភាពធ្វើជាម្តាយដ៏ល្អមួយរូប ទៅហើយ"៕

តើប្រិយមិត្តមានមតិយ៉ាងណាទៅវិញ?

ប្រភព Shanghaiist

ដោយ លូហាន

ខ្មែរឡូត