ភ្នំពេញ៖ ក្មេងស្រីជាសិស្សសាលា ប៊ែលធីម្នាក់ បានស្លាប់ ក្រោយជួបហតុ ការណ៍គ្រោះថ្នាក់ចរាចរ ដោយសារ រថយន្តសាំយ៉ុង បើកទាក់ចង្កូតម៉ូតូZOOEMX បណ្តាលអោយដួល ហើយកិនចំកង់រថយន្ថខាងក្រោយ ។

ហេតុការណ៍គ្រោះថ្នាក់ចរាចរនេះ កើតឡើងនៅវេលាម៉ោង១ និង៣០នាទីថ្ងៃទី២៧ ខែមករា ឆ្នាំ២០១៦ តាមផ្លូវ៣៦៩ មុខក្លោងទ្វាវត្តកំសាន្ត ក្នុងសង្កាត់ព្រែកប្រា ខណ្ឌច្បារអំពៅ ។

តាមសេចក្តីរាយការណ៍ នៅកន្លែងកើតហេតុ បានអោយដឹងថា រថយន្តបង្ក ប្រភេទ ១២កៅអី ដឹកស្បែកជើង បើកបរក្នុងទិសដៅស្របទិសគ្នាពីត្បូងទៅជើង ខណៈមកដល់ចំណុចកើត ហេតុ រថយន្តបានបើកវ៉ា ហើយកៀរ ប៉ះដៃចង្កួតម៉ូតូបណ្តាលអោយ ក្មេងស្រីអាយុ១២ឆ្នាំម្នាក់ជាម្ចាស់ម៉ូតូស្លាប់បាត់បង់ជីវិត។ រីឯអ្នកបើកបរបានរត់គេចខ្លួន ដោយសុវត្ថិភាពបន្សល់ទុករថយន្តនៅនឹងកន្លែងកើតហេតុ ។ ចំណែកក្មេងស្រីរងគ្រោះ ពុំទាន់ស្គាល់អត្តសញ្ញាណទេ ។

ក្រោយកើតហេតុ នគរបាលចរាចរខណ្ឌ បានយករថយន្តបង្កទៅរក្សាទុក នៅអធិការដ្ឋាននគរបាលខណ្ឌច្បារអំពៅ រង់ចាំការដោះស្រាយ៕

ផ្តល់សិទ្ធដោយ ដើមអម្ពិល