ភ្នំពេញ៖ ស្ត្រីរកស៊ីផ្លូវភេទ មកឈរបោយដៃ នៅតាមផ្លូវសហព័ន្ធរុស្ស៊ី ខាងមុខព្រលានយន្តហោះ អន្តរជាតិពោធិ៍ចិនតុងត្រូវបានអាជ្ញាធរខណ្ឌ ចុះទៅប្រមូលបាន៤នាក់ យកទៅអប់រំដើម្បីលើក កម្ពស់តម្លៃស្រ្តីខ្មែរ ម្យ៉ាងវិញទៀតផ្លូវនេះគឺ ភ្ញៀវជាតិនិងអន្តរជាតិចេញ ចូលការចុះប្រមូលនេះដឹកនាំ ដោយលោក ឃឹម ស៊ុនសូដា អភិបាលខណ្ឌពោធិ៍សែនជ័យ កាលពីយប់ថ្ងៃទី៤ ខែកុម្ភះ ឆ្នាំ២០១៦។

លោក ឃឹម ស៊ុនសូដា បានឲ្យដឹងថា ដោយមានការណែនាំពី លោកអភិបាលដោយសារស្រ្តីរកស៊ីផ្លូវភេទ ទាំងនេះ គាត់បានមកឈរបោយដៃ ហៅភ្ញៀវធ្វើឲ្យប៉ះពាល់ដល់ភ្លៀវជាតិ និងអន្តរជាតិដែលចេញចូលតាមផ្លូវនេះ ដូច្នេះទើបលោកបានដឹកនាំទាំងកម្លាំង នគរបាលនិងកម្លាំងសន្តិសុខ សាលាខណ្ឌចុះមកប្រមូលស្រ្តីរកស៊ីផ្លូវភេទទាំងនេះ យកទៅអប់រំឬក៏បញ្ជូនទៅកាន់សង្គមកិច្ច ។

លោកបានបន្តថា ការចុះប្រមូលនាពេលនេះ គឺយើងធ្វើការប្រមូលបានតែ៤នាក់នោះទេ ហើយប្រសិនបើនៅមាន សេសសល់ទៀត គឺយើងនិងធ្វើការចុះប្រមូលជាបន្តទៀត និយាយឲ្យចំទៅគឺអាជ្ញាធរមិនអនុញាតិ ឲ្យមានស្រីរកស៊ីផ្លូវភេទ នៅតាមដងផ្លូវសហព័ន្ធរុស្ស៊ីនេះទេ៕

ផ្តល់សិទ្ធដោយ ដើមអម្ពិល