ក្មេងស្ទាវ ២ក្រុម ផ្ទុះហិង្សា ពេលរាំធុងបាស់ បណ្តាលឱ្យ រងរបួស ទាំងសងខាង

ក្មេងស្ទាវ ២ក្រុម ផ្ទុះហិង្សា ពេលរាំធុងបាស់ បណ្តាលឱ្យ រងរបួស ទាំងសងខាង

ខេត្តព្រៃវែង ៖ ក្មេងស្ទាវ២ក្រុម ដែល១ក្រុម មានគ្នា៤នាក់ រស់នៅឃុំសំបួរស ស្រុកពាមជរ ខេត្តព្រៃវែង ចំណែក១ក្រុមទៀត មានគ្នា៤នាក់ដូចគ្នា រស់នៅភូមិថ្មី ឃុំពាមរាំង ស្រុកលើកដែក ខេត្តកណ្តាល បានផ្ទុះហិង្សា ពេលរាំងធុងបាស់ ឈានទៅវាយកាប់ចាក់គ្នា បណ្តាលឱ្យ រងរបួស ទាំងសងខាង កាលពីវេលា ម៉ោង៤ និង៣០នាទីល្ងាចថ្ងៃទី១០ កុម្ភៈ ២០១៦ នៅចំណុចដីដុះ ស្ថិតនៅភូមិសាមគ្គី ឃុំស្វាយភ្លោះ ស្រុកពាមជរ ។

ប្រភពព័ត៌មាន បានឱ្យដឹងថា ក្មេងស្ទាវក្រុមទី១ ដែលរងរបួស ទាំង៤នាក់ មាន ១-ឈ្មោះ អ៊ួន សាវិន អាយុ២៣ឆ្នាំ ២-ឈ្មោះ រុន កុសល អាយុ១៩ឆ្នាំ ៣-ឈ្មោះ ឃឿន ណាក់ អាយុ២១ឆ្នាំ និង៤-ឈ្មោះ លន់ ណាក់ អាយុ២១ឆ្នាំ ទាំង៤នាក់ រស់នៅខេត្តព្រៃវែង ។

ចំណែក ក្មេងស្ទាវ ក្រុមទី២ ដែលរងរបួស ទាំង៤នាក់ មាន ១-ឈ្មោះ ជឹម នឿន អាយុ២៩ឆ្នាំ ២-ឈ្មោះ សួស សុភាព អាយុ១៨ឆ្នាំ ៣-ឈ្មោះ អឿន សុវ៉ាន់ អាយុ៣០ឆ្នាំ និង៤-ឈ្មោះ ខៃ ធារ៉ា អាយុ១៧ឆ្នាំ ទាំង៤នាក់ រស់នៅខេត្តកណ្តាល ។

សមត្ថកិច្ចបានឱ្យដឹងថា មូលហេតុបណ្តាលមកពី ក្រុមក្មេងស្ទាវទាំង២ក្រុម ពេលរាំធុងបាស់ ជាន់ជើងគ្នា ហើយឈ្មោះ ខៃ ធារ៉ា ស្ថិតនៅក្នុង ក្រុមស្ទាវទី២ ស្ទុះទៅវាយ ក្មេងស្ទាវក្រុមទី១ រួចរត់ចេញពីរាំ បង្កទៅជាជម្លោះ វាយកាប់ចាក់គ្នា បណ្តាលឱ្យមានរបួស ទាំងសងខាង តែម្តង ។

ក្រោយកើតហេតុ ឈ្មោះ ខៃ ធារ៉ា ត្រូវសមត្ថកិច្ចឃាត់ខ្លន បញ្ជូនទៅអធិការដ្ឋាន នគរបាលស្រុកពាមជរ ដើម្បីចាត់ការតាមផ្លូវច្បាប់បន្ត ៕