(ភ្នំពេញ)៖ បុរសម្នាក់បាននាំមិត្តភក្តិមកផឹកស៊ី ដល់ផ្ទះដូចនាំមកឲ្យចាប់រំលោភកូនស្រីខ្លួនឯងអាយុ១៤ឆ្នាំ នៅពេលដែលជននោះស្រវឹងស្រា ប៉ុន្តែជនល្មោភកាមរូបនេះ ត្រូវកម្លាំងនគរបាលចុះ​ជួយ​អន្តរាគមន៍ ដោយចាប់វាយខ្នោះភ្លាមៗផងដែរ។ ហេតុការណ៍នេះ បានកើតឡើងនៅរសៀលថ្ងៃទី៥ ខែសីហា ឆ្នាំ២០១៦ ស្ថិតនៅក្នុងផ្ទះជនរងគ្រោះ ភូមិត្រពាំងគល់ សង្កាត់កន្ទោក ខណ្ឌពោធិ៍​សែនជ័យ។ មន្រ្តីនគរបាលមូលដ្ឋាន បានឲ្យដឹងថា ជនសង្ស័យឈ្មោះ សួន ក្រឹម អាយុ៣៥ឆ្នាំ ស្នាក់នៅកន្លែងកើតហេតុខាងលើមានស្រុកកំណើតនៅស្រុកបសេដ្ឋ ខេត្តកំពង់ស្ពឺ។

ដោយឡែកជនរងគ្រោះឈ្មោះ ស.ជ.ណ អាយុ១៥ឆ្នាំ ជាសិស្សសាលា រស់នៅកន្លែងកើតហេតុខាងលើ។ ជនរងគ្រោះបានឱ្យដឹងថា នៅមុនកើតហេតុ ជនសង្ស័យត្រូវជាមិត្តភក្ដិឪពុករបស់ខ្លួន បានមកផឹកស៊ីជាមួយឪពុក​លុះស្រវឹងរៀងខ្លួនៗ ជនសង្ស័យក៏ឆ្លៀត​ឱកាសចាប់រំលោភ​នាងរហូត​បានសម្រេច។

បច្ចុប្បន្ន ជនសង្ស័យរូបនេះស្ថិតក្រោមការសួរនាំ របស់សមត្ថកិច្ចដើម្បីកសាងសំណុំរឿងបញ្ជូនទៅកាន់តុលាការចាត់ការតាមច្បាប់៕

ប្រភព ៖ Fresh news

កំណត់ត្រាខ្មែរឡូត៖

ទាក់ទងនឹងករណីរំលោភនេះដែរ កាលពីប៉ុន្មានថ្ងៃមុននេះក៏មានករណីរំលោភ យ៉ាងសាហាវ ទៅលើនារីជាមិត្ដស្រីម្នាក់ ដោយសារតែខឹងនាងមានសង្សារច្រើន។

គួររំលឹកថា សមត្ថកិច្ចនគរបាលស្រុកស្អាង ខេត្តកណ្តាល បានឲ្យដឹងកាលពីព្រឹកថ្ងៃទី០២ ខែសីហានេះថា កម្លាំងនគរបាល បានឃាត់ខ្លួនយុវជន៥នាក់ ពីបទរំលោពសេពសន្ថវៈ លើកនារីម្នាក់រហូតដល់សន្លប់ នៅម៉ោងប្រមាណជា ៩៖១០នាទីយប់ថ្ងៃទី០១ ខែសីហា ឆ្នាំ២០១៦ នៅចំណុចចំការស្វាយ ស្ថិតភូមិរកាលើ ឃុំខ្ពប ស្រុកស្អាង។

សមត្ថិកិច្ចបានឲ្យដឹងថា ជនរងគ្រោះ ឈ្មោះ ឡ.ច.ដ ភេទស្រី អាយុ២២ឆ្នាំ ជនជាតិខ្មែរ មុខរបរកម្មការីនី មានទីលំនៅភូមិកោះខែល ឃុំកោះខែល ស្រុកស្អាង។ ចំណែកជនសង្ស័យទាំង០៥នាក់៖ ១- ឈ្មោះ រ៉េត រដ្ឋា ហៅមោគ ភេទប្រុស អាយុ២០ឆ្នាំ ជនជាតិខ្មែរ មុខរបរ កសិករ, ២- ឈ្មោះ សុភាព ឆ្លូញ ភេទប្រុស អាយុ១៨ឆ្នាំ ជនជាតិខ្មែរ មុខរបរ កសិករ, ៣- ឈ្មោះ កែវ ឆ្លាត ភេទប្រុស អាយុ ១៧ឆ្នាំ ជនជាតិខ្មែរ មុខរបរ កសិករ, ៤- ឈ្មោះ យ៉ុង យុត ភេទប្រុស អាយុ ១៧ឆ្នាំ ជនជាតិខ្មែរ មុខរបរ កសិករ, ៥- ឈ្មោះ ធី លាង ភេទប្រុស អាយុ១៦ឆ្នាំ ជនជាតិខ្មែរ មុខរបរ កសិករ អ្នកទាំង៥ខាងលើ មានទីលំនៅភូមិរកាលើ ឃុំខ្ពប ស្រុកស្អាង ខេត្តកណ្តាល។

សមត្ថកិច្ចបានរៀបរាប់ដំណើររឿងថា នៅវេលាម៉ោង ៨៖០០នាទីយប់ថ្ងៃទី០១ ខែសីហា ឈ្មោះ រ៉េត រដ្ឋា បានទាក់ទងទូរស័ព្ទទៅមិត្តស្រី ជាស្ត្រីរងគ្រោះ ដើម្បីមករួមភេទ ពេលនោះជនរងគ្រោះ បានដើរមកឆ្លងដរកោះខែលមកឃុំខ្ពប ដោយមានឈ្មោះ កែវ ឆ្លាត និងឈ្មោះ រ៉េត រដ្ឋា ចាំទទួល ពេលទៅដល់ត្រើយម្ខាងឈ្មោះ ឆ្លាត ឌុប ឈ្មោះ រដ្ឋា និងឈ្មោះ ចាន់ដន ដោយម៉ូតូម៉ាកនិច សំដៅចូលសាលាអនុវិទ្យាល័យខ្ពប ពេលជាមួយគ្នានោះ មានភ្លើងពិលគេចុចឆ្វេកឆ្វាច ឈ្មោះ ឆ្លាត ឌុបឈ្មោះ រដ្ឋា និងឈ្មោះ ចាន់ដន ចេញសំដៅទៅចំការស្វាយ ស្ថិតនៅខាងត្បូងព្រែកវត្តខ្ពប ទៅទិសខាងកើតចម្ងាយប្រហែល ៥០០ម៉ែត្រ ពីផ្លូវលេខ១១០ (ខាងកើតទន្លេបាសាក់)។

ចំណែកឈ្មោះ សុភាព ឆ្លូញ ជិះម៉ូតូគុបមូលឌុបឈ្មោះ យ៉ុង យុត និងឈ្មោះ ធី លាង តាមពីក្រោយ ពេលទៅដល់វេលាម៉ោង ៩៖១០នាទីយប់ថ្ងៃដដែល ឈ្មោះ រ៉េត រដ្ឋា ឲ្យឈ្មោះ ចាន់ដន ដេកដីរួចស្រាតខោក្រៅ និងខោក្នុងជនរងគ្រោះរំលោភសេពសន្ថវៈមុនគេ បានមួយលើក បន្ទាប់មកឈ្មោះ កែវ ឆ្លាត រំលោភបានមួយលើក និងឈ្មោះ សុភាព ឆ្លូញ កំពុងរំលោភសេពសន្ថវៈក៏ជនរងគ្រោះសន្លប់ ឈ្មោះ ឆ្លូញ ក៏បញ្ឈប់សកម្មភាពតែម្តង (ដោយប្រើស្រោមអនាម័យទាំងអស់គ្នា) ចំណែកឈ្មោះ ធី លាង និងឈ្មោះ យ៉ុង យុត នៅចាំម៉ូតូមិនបានរំលោភសេពសន្ថវៈទេ។ នៅពេលនោះឈ្មោះ រ៉េត រដ្ឋា បានបីជនរងគ្រោះដោយឈ្មោះ សុភាព ឆ្លូញ ឌុបដោយម៉ូតូគុបសេ៥០ ហើយឈ្មោះ ឆ្លាត ជិះម៉ូតូម៉ាមនិចឌុបឈ្មោះ យុត និងឈ្មោះ លាង សំដៅមកឆ្លងដរចុងកោះ ពេលទទួលបានព័ត៌មានខាងលើ សមត្ថកិច្ចនគរបាលស្រុកស្អាង បានអន្តរាគមន៍ និងធ្វើការឃាត់ខ្លួនជនល្មើសខាងលើ ចំណែកជនរងគ្រោះបានបញ្ជូន មកព្យាបាលនៅមន្ទីរពេទ្យឃុំតាលន់។

ចំពោះហេតុការណ៍នេះ លោកឧត្តមសេនីយ៍ អ៊ាវ ចំរើន ស្នងការនគរបាលខេត្តកណ្តាល បានបញ្ជាក់តាមរយៈ Facebook របស់លោកថា ការកើតឡើងករណីរំលោភបូកនេះ មកពីជនសង្ស័យ ឈ្មោះ រ៉េត រដ្ឋា ខឹងមិត្តស្រីមានសង្សារច្រើន រួចក៏រៀបឧបាយកល ណាត់មិត្តស្រីមករួមភេទ បែរជាណាត់គូកនបន្ថែមទៀត មករំលោភបូកសង្សារ «5 in 1» ទើបបាន៣នាក់ក៏សន្លប់ ភ័យពេកដឹកជនរងគ្រោះយកទៅចោល ក៏ជួបសមត្ថកិច្ចកំពុងល្បាត ត្រូវបានសមត្ថកិច្ចនៃអធិការដ្ឋាន នគរបាលស្រុកស្អាងធ្វើការឃាត់ខ្លួន ជនស្ស័យភ្លាមចំនួន៥នាក់។

បច្ចុប្បន្នជនសង្ស័យទាំង៥នាក់ ខាងលើ សមត្ថកិច្ចបានក៏សាងសុំណុំរឿងចាត់ការតាមនីតិវិធីច្បាប់៕

ខ្មែរឡូត