iPhone 6 ស្រោបមាស និងដាំពេជ្យតំលៃ ៨.៨០០ ដុល្លារអាមេរិក អាចបញ្ជារទិញបានហើយ

iPhone 6 ស្រោបមាស និងដាំពេជ្យតំលៃ ៨.៨០០ ដុល្លារអាមេរិក អាចបញ្ជារទិញបានហើយ

វាបានក្លាយជាទម្លាប់ទៅហើយ សម្រាប់អ្នកដែលចូលចិត្តប្រើប្រាស់គ្រឿងអលង្ការមកច្នៃលើស្មាតហ្វូនរបស់ខ្លួន ជាពិសេសនៅលើផលិតផល iPhone។ កាលពីថ្ងៃតី២៩ ក្រុមហ៊ុនច្នៃគ្រឿងអលង្កាមួយរបស់អាមេរិក បានបញ្ចារទិញ iPhone 6 ក្នុងតំលៃថ្លៃ ដើម្បីយកមកធ្វើការរចនាម៉ូដដោយមានដាំពេជ្រ និងស្រោបដោយមាស់ និងផ្លាទីនក្នុងតំលៃប្រមាណ ៨.៨០០ ដុល្លារអាមេរិក។

iPhone 6 ដែលដាំពេជ្រនៅលើ Logo

បើទោះជាក្រុមហ៊ុន Apple មិនទាន់បានបញ្ចេញ់ iPhone 6 ជាផ្លូវការក៏ដោយ ក៏ក្រុមគ្រឿងអលង្កាមួយនេះបានកំណត់តំលៃ និងដាក់ឈ្មោះថា Lux iPhone 6 ដែលត្រូវបានស្រោបដោយមាស និងផ្លាទីន និងនៅលើស្លាក់សញ្ញារបស់ Apple ត្រូវបានដាំដោយពេជ្រយ៉ាងស្រស់ស្អាត។ ទូរស័ព្ទនេះមានតំលៃចាប់ពី ៤.៤៩៥ ដុល្លារ ទៅ ៨.៧៩៥ ដុល្លារអាមេរិក តែត្រូវរងចាំរយៈពេល១ខែដើម្បីទុកពេលអោយអ្នករចនាបានរចនាតាមចំណង់ចំនូលចិត្តបាន។ អ្នកនាំពាក្យអោយក្រុមហ៊ុនច្នៃគ្រឿងអលង្កា Brikk បាននិយាយថា «ទូរសព្ទ Lux iPhone 6 ត្រូវបានបង្កើតឡើងជាមួយនឹងម៉ូដែល ដែលមានអេក្រង់ទំហំ ៤.៧ អ៊ីញ និងមែមម៉ូរីក្នុងតួ ១២៨ GB ហើយអាចរកទិញបានជាទូរសព្ទស្រោបមាសពណ៌លឿងទម្ងន់ ២៤ ការ៉ាត់ ស្រោបមាសពណ៌ផ្កាឈូកទម្ងន់ ២៤ ការ៉ាត់ និង ស្រោបផ្លាទីនសុទ្ធ»។

អ្នកនាំពាក្យដដែលបានបញ្ជាក់ថា តម្លៃចាប់ពី ៤.៤៩៥ ដុល្លារ សម្រាប់ម៉ូដែលស្រោបមាស ឬផ្លាទីន និងតម្លៃ ៨.៣៩៥ ដុល្លារ សម្រាប់ម៉ូដែល ដែលមានឡូហ្គោដាំពេជ្រ ហើយរាល់ម៉ូដែលទូរសព្ទទាំងអស់នេះសុទ្ធតែត្រូវបានវេចខ្ចប់ក្នុងប្រអប់ដែកមាំទាំមួយរួមជាមួយនឹងឧបករណ៍ភ្ជាប់បន្ថែមដូចជាឆ្នាំងសាក ឬកាសធម្មតាដូច iPhone ទូទៅដែរ។