និស្សិត IT ពិការភ្នែក តស៊ូរហូតក្លាយជាទីប្រឹក្សាប៉ាតង់ក្រុមហ៊ុន Google
Jack Chen ជានិស្សិតមួយរូបដែលទទួលបានសញ្ញាប័ត្រផ្នែកវិទ្យាសាស្ត្រកុំព្យូទ័រពីសកលវិទ្យាល័យ Harvard និង Berkeley ហើយបច្ចុប្បន្ននេះគាត់ជាទីប្រឹក្សាប៉ាតង់របស់ Google និងជាអ្នកត្រួតពិនិត្យបញ្ហាច្បាប់ទាក់ទងនឹង Chrome។
កាលពីក្មេងប្រព័ន្ធចក្ខុវិញ្ញាណរបស់ Chen បានចុះខ្សោយជាខ្លាំង ប៉ុន្តែនៅអាចមើលឃើញពន្លឺ ពណ៌ និង ទ្រង់ទ្រាយខ្លះ។ ពេលដល់វ័យ ១៦ ឆ្នាំ Chen បានធ្វើការវះកាត់ភ្នែកជាលើកទី ៨ ឬ ទី ៩ ដោយសង្ឃឹមថានឹងជួយឲ្យភ្នែកមើលឃើញបានប្រសើរជាងមុន ប៉ុន្តែគាត់បានងងឹតភ្នែកទាំងស្រុងដោយសារផលវិបាកនៅពេលវះកាត់។
ទោះបីជាងងឹតភ្នែកទាំងស្រុងក្ដី ប៉ុន្តែនៅមិនអាចបញ្ឈប់ Chen ពីការស្វែងរកភាពជោគជ័យក្នុងជីវិតឡើយ។ Chen បានចូលធ្វើជាអ្នកហាត់ការនៅក្រុមហ៊ុនទូរគមនាគមន៍ AT&T ហើយបន្ទាប់មកចូលធ្វើជាវិស្វករផ្នែក System (System Engineer) នៅក្រុមហ៊ុន Xanboo Inc., ដែលជាក្រុមហ៊ុនពាក់ព័ន្ធនឹងប្រព័ន្ធសុវត្ថិភាពអ៊ីនធឺណិតតាមផ្ទះ។
ក្រោយមកទៀតបន្ទាប់ពីទទួលបានសញ្ញាប័ត្របណ្ឌិតនីតិសាស្ត្រពីសាលាច្បាប់ Fordham Law School, Chen បានចូលធ្វើជាមេធាវីផ្នែកប៉ាតង់ និង កម្មសិទ្ធិបញ្ញា នៅក្រុមហ៊ុនច្បាប់នាទីក្រុង New York។ ឆ្នាំ ២០១០ Chen បានចូលបម្រើការងារជាទីប្រឹក្សាប៉ាតង់ឲ្យក្រុមហ៊ុន Google រហូតមកទល់បច្ចុប្បន្ន។
រយៈពេល ៦ ឆ្នាំមកនេះ Chen បានធ្វើដំណើរទៅធ្វើការដោយពឹងផ្អែកទាំងស្រុងទៅលើឈើច្រត់ ហើយឧបសគ្គដ៏ធំសម្រាប់ Chen គឺបង្គោល និង សសរ ដែលគាត់ត្រូវប្រឈមមុខនៅស្ថានីយរថភ្លើង Penn។ ស្ទើរពេញមួយជីវិត Chen បានដោះស្រាយបញ្ហាក្នុងជីវិតដោយពឹងផ្អែកលើការស្ដាប់ ដូចជាប្រើបច្ចេកវិទ្យា Screen Reader និង មុខងារ VoiceOver លើ iPhone ដែលអាចអានអក្សរឲ្យគាត់ស្ដាប់បាន។
ក្រៅពីការងារ Chen បានប្រើជីវិតដោយសម្បូរបែប និង សកម្មបំផុត ដោយកាលពីឆ្នាំ ២០១២ គាត់បានឡើងភ្នំ Kilimanjaro ជាភ្នំខ្ពស់ជាងគេនៅប្រទេស Tanzania ទ្វីបអាហ្វ្រិក៕
ប្រែសម្រួល៖ ហៃ សុខហេង
ប្រភព៖ NextShark
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
