ភ្នំពេញ៖ ទេពកោសល្យរបស់ពិធីការិនី កញ្ញា សុភ័ក្រ កុសុម៉ា កាន់តែមានទីផ្សារខ្លាំងឡើងពីមួយថ្ងៃទៅមួយថ្ងៃ ជាមួយស្នាដៃការសម្ដែង ដែលឲ្យអ្នកទស្សនាទប់សំណើច សឹងមិនជាប់។

មិនខុសពីតារាពហុជំនាញខាងលើ ចំពោះក្រមុំរូបស្រស់ ដែលជាតារាចម្រៀង កញ្ញា ប្រេម៉ាក៏មានការគាំទ្រខ្លាំងមិនធម្មតាដែរ ជាមួយ​បទចម្រៀងថ្មីៗរបស់នាង ដែលបានចេញជាបន្តបន្ទាប់។

អ្វីដែលកាន់តែប្លែកអារម្មណ៍នោះ កាលពីម្សិលមិញនេះដែរ ក៏មានការចែកចាយវីដេអូចម្រៀងមួយ​ ដែលជាការបកស្រាយរួមគ្នារវាងតារាស្រីវ័យក្មេងទាំងពីររូប ក្នុងបទជាភាសាអង់គ្លេសមានចំណងជើងថា « I am not the only one»។

ជាក់ស្ដែង តាមរយៈការសាកសម្លេងជាភាសាបរទេសរបស់អ្នកទាំង២ បានធ្វើឲ្យអ្នកលេងបណ្ដាញសង្គមជាច្រើន មានការភ្ញាក់ផ្អើលជាខ្លាំង ព្រោះតែពួកគេច្រៀងបានយ៉ាងពីរោះជក់ចិត្តតែម្ដង។ ម្យ៉ាងទៀត ចំពោះការលើកដាក់សម្លេងរបស់ក្រមុំរូបស្រស់ទាំង២ គឺពិតជាស៊ីគ្នាណាស់ បើទោះបីជាការច្រៀងរួមគ្នាលើកដំបូង និងគ្មានឧបករណ៍គ្រាប់គ្រាន់ក៏ដោយ ៕

ចង់ដឹងអ្នកទាំង២ ច្រៀងបទអង់គ្លេសពីរោះយ៉ាងណាទស្សនាវីដេអូខាងក្រោម៖

• សុភ័ក្រ កុសុម៉ា
 
• ប្រេម៉ា
 
• វីដេអូ
 
• តារាខ្មែរ