អស់ស្ទះ! ទិញទំនិញតម្លៃត្រឹមតែ១ដុល្លារប៉ុណ្ណោះក្នុងថ្ងៃសម្ពោធហាងមេហ្គាឌីស

អស់ស្ទះ! ទិញទំនិញតម្លៃត្រឹមតែ១ដុល្លារប៉ុណ្ណោះក្នុងថ្ងៃសម្ពោធហាងមេហ្គាឌីស

ភ្នំពេញ៖ ហាងមេហ្គាឌីសលក់សំភារៈប្រើប្រាស់ក្នុងផ្ទះ និងសណ្ឋាគារម៉ាកល្បីៗចាប់ផ្តើមបើកដំណើរការជាផ្លូវការនៅថ្ងៃទី១៧មករា ២០២០ នេះហើយដែលមានទីតាំងនៅក្នុងផ្សារបាយ័ន(ជាន់ទី១) ទួលគោក។ នៅថ្ងៃនេះដែរមានការអញ្ជើញចូលរួមពីសំណាក់ភ្ញៀវកិត្តិយសដៃគូអាជីវកម្ម និងបណ្តាអ្នកសារព័ត៌មានយ៉ាងច្រើនកុះករ។

លោក ហ៊ុយ ប៉េងលាង នាយកគ្រប់គ្រងទូទៅ បានប្រាប់ឲ្យដឹងថា៖

នេះគឺជាហាងទីមួយរបស់យើង ហើយវាមានវិសាលភាពធំទូលាយដែលអតិថិជនងាយស្រួលដើរមើល និងទិញទំនិញប្រើប្រាស់ក្នុងផ្ទះបានយ៉ាងសម្បូរបែប។ លោកបានសង្កត់ធ្ងន់ថា ហាងរបស់យើងផ្តល់នូវទំនិញដែលមានគុណភាពខ្ពស់ តម្លៃសមរម្យជាមួយសេវាកម្មអតិថិជនល្អប្រសើរ ហើយលោកសង្ឃឹមថាហាងថ្មីនេះនឹងទទួលបានការគាំទ្រពីសំណាក់អតិថិជនយ៉ាងច្រើនផងដែរ។

លោក ហ៊ុយ ប៉េងលាង

ម្យ៉ាងវិញទៀតលោកបានបញ្ជាក់ផងដែរថាក្រុមហ៊ុនគ្រោងនឹងបើកបីសាខានៅតំបន់សំខាន់ៗផ្សេងទៀតនៅទីក្រុងភ្នំពេញក្នុងឆ្នាំ២០២០នេះដើម្បីឲ្យអតិថិជនរបស់យើងងាយស្រួលក្នុងការទិញទំនិញនៅក្នុងហាង។

អស់ស្ទះ! ទិញទំនិញតម្លៃត្រឹមតែ១ដុល្លាប៉ុណ្ណោះក្នុងថ្ងៃសម្ពោធហាងមេហ្គាឌីស

ក្នុងឱកាសនេះដែរមានការបញ្ចុះតម្លៃរហូតដល់ ៣០%គ្រប់មុខទំនិញទាំងអស់រយៈពេល៥ថ្ងៃពីថ្ងៃទី ១៧ ដល់ ២១ មករា ២០២០ ជាមួយនិងការបង្វិលកងសំណាងយករង្វាន់ភ្លាមៗ។

នៅក្នុងកម្មវិធីនេះដែរក្រុមហ៊ុនបានចែកអំណោយទៅកាន់សិស្សក្រីក្រមកពីវិទ្យាល័យឥន្ត្ររទេវីចំនួនប្រហែល ១០០នាក់ ដែលម្នាក់ៗទទួលបានដូចជាៈ សៀវភៅ ប៊ិច ខ្មៅដៃ និងដបទឹកផងដែរ។