ភ្នំពេញ៖ ដូចប្រិយមិត្តបានជ្រាបច្បាស់មកហើយថា ថ្មីៗនេះនៅលើបណ្តាញទំនាក់ទំនងសង្គមហ្វេសប៊ុកកំពុងមានការចាប់អារម្មណ៍យ៉ាងខ្លាំងទៅលើរឿងដែលអ្នកលក់អនឡាញល្បីឈ្មោះអ្នកនាង Love Riya បានលែងលះគ្នាជាមួយនឹងស្វាមី ក្រោយពេលទើបតែរៀបការបានជិត១ឆ្នាំ។​

ហើយម្សិលមិញនេះ អ្នកមេម៉ាយក្ដៅស្រួយ Love Riya ក៏ស្រាប់តែបានដឹកដៃបុរសវ័យក្មេងម្នាក់ទៀតទៅថតរូប Pre-Wedding ជាមួយគ្នាយ៉ាងស្រស់ស្អាត។ ដោយក្រោយពេលរូបភាពបានបង្ហោះចែកចាយនៅលើបណ្តាញទំនាក់ទំនងសង្គមហ្វេសប៊ុក ក៏មានអ្នកគាំទ្រនាងមួយចំនួននឹកស្មានថា បុរសវ័យក្មេងម្នាក់នេះ គឺជាគូស្នេហ៍ថ្មីរបស់នាង។ 

ប៉ុន្តែបើយើងទៅលើការផុសរូបភាពនៅលើគណនីហ្វេសប៊ុកផ្ទាល់ខ្លួនរបស់អ្នកនាង Love Riya វិញ នាងបានប្រាប់ថា​ នេះគ្រាន់តែជាការថតស្ពតពាណិជ្ជកម្មឱ្យសំអាងការប៉ុណ្ណោះ ដែលជាម៉ូតសម្លៀកបំពាក់រដូវកាលថ្មីសម្រាប់ការថត Pre-Wedding ជូនកូនកម្លោះកូនក្រមុំ ការពិតបុរសម្នាក់នេះមិនមែនជាគូស្នេហ៍ថ្មីរបស់នាងនោះទេ។​

តែទោះបីជាយ៉ាងណាក៏ដោយក៏គាំទ្រអ្នកនាងបានសរសេីមិនដាច់ពីមាត់ថា ពិតជាស្អាត និងសមគ្នាខ្លាំងណាស់ពេលអ្នកទាំងពីរស្លៀកឈុតប្រពៃណីទាំងនេះ៕

ទស្សនារូបភាពដូចខាងក្រោមនេះទាំងអស់គ្នា៖